Provébiu 12:26 - ꞌRe Ihâimana Uꞌâsi Mono Zadawa Wasuꞌu

²⁶ Sena na 're ihâimana mono hã te za tisiré zaprõni wẽ 'wa na 're hâimana. Tane nherẽ, iwasété norĩ hã te tihâimanazém na 're sisimini za'ra.

Provébiu 12:26 ပူးပေါင်းရင်းမြစ်များ

Salmu 16:3

'Re ihâimana u'âsi mono ma, 're isisõmri u'âsi za'ra mono norĩ si hã danhipai u tô sena iwẽ uptabi. Ta norĩ siré 're ĩhâimana mono da si, ĩma iwẽ hã.

Provébiu 12:13

Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 12:25

Marĩ na dapẽ'ẽ 're, 're idahâtâ'â za'ra mono zé hã te za te te 're dahâiba pire za'ra. Tane nherẽ, te za damreme iwẽ hã te te dama 're robze zani za'ra.

Provébiu 12:27

Aba'wa iwa'a hã tinhisõpãrĩ nhi hã te te sima 're isebre za'ra mono da hã mare di. Romhuri pese 'wa norĩ si te za sibro pese na 're hâimana za'ra.

Provébiu 14:22

E i'uwaibaba õ di bété, marĩ iwasété na si da te 're irosa'rata za'ra mono zarina, 're idasisimini za'ra mono zé hã. Tô i'uwaibaba. Tane nherẽ, marĩ iwẽ na si te te sima 're irowa'õtõ za'ra mono norĩ hã te za da te 're isawi za'ra mono zé hã, duré dasina da te 're i'umnhasi za'ra mono zé hã te te sina 're uwaimrami za'ra.

Provébiu 16:29

Rowasété 'manharĩ zei 'wa hã te za tisiwaihu hã te te sitẽme 're 'wani za'ra, bâdâdi iwasété na te te siré 're anhimroi mono da.

Provébiu 17:27

Isimirowaihu'u wẽ hã mreme wadi õ di. Duré atãma na te 're hâimana.

1 Zuwã 2:26

E 'wam norĩ ãma, wa aima rob'ui'éré za'ra wa'wa. Sadawa nhipese na taré te te aima 're iroti za'ra wa'aba mono norĩ ãma, wa aima rob'ui'éré za'ra wa'wa. Isiniwĩ 're aipizari za'ra wa'aba mono da, te ta norĩ hã tinhimiroti tô senai õre na te te 're aipibui u'âsi za'ra wa'wa.

Apocalipsi 12:9

Tawamhã ho'orã hâiba ne ropoto siwamnarĩ hã ma tô siwi time ti'ai u, apâ morĩ tõ da. Ta hã Satanasi, wanhitob'ru. Ta hã duréihã wahi na isihâiba. Uburé tizadawa nhipese na te te 're ida'a'rãmi mono, 'Re ihâimana u'âsi mono zadawa para newa, ti'ai ãma daro mono bâ. Tawamhã wa'uburé norĩ zama isib'a'uwẽ zama ma tô isiré siwi sãmra ti'ai u, apâ si'aba'ré tõ da.

Apocalipsi 13:14

Ãne 'Re ihâimana u'âsi mono hã ma tô tãma waprosi, â hawi ropoto siwamnarĩ nho'a te te 're romhõsi mono da. Ãne ma tô tinhimiromhõsi na dama 're sadawa nhipese, 'Re ihâimana u'âsi mono zadawa para newa, ti'ai ãma daro mono bâ 're idahâimana za'ra mono norĩ ma hã. Ma tô duré dama ti'ru, romhâiba, da te dasiwi 'manharĩ da, â hawi ropoto siwamnarĩ hâiba na, sib'ézé 'wapa na da te dasiwi wĩrĩ nherẽ, apâ ihâiwa'utu hâiba na.