Provébiu 12:25 - ꞌRe Ihâimana Uꞌâsi Mono Zadawa Wasuꞌu

²⁵ Marĩ na dapẽ'ẽ 're, 're idahâtâ'â za'ra mono zé hã te za te te 're dahâiba pire za'ra. Tane nherẽ, te za damreme iwẽ hã te te dama 're robze zani za'ra.

Provébiu 12:25 ပူးပေါင်းရင်းမြစ်များ

Provébiu 12:18

Dasi'aba'ré na damreme zani hã aiwa, sib'ézé 'wa pa 'wa 'rãsutu ne hã te 're hâimana za'ra. Tane nherẽ, i'rãi waihu'u wẽ norĩ mreme hã te te 're da'a'rãzéptâ'â waihu'u pese mono di.

Provébiu 12:26

Sena na 're ihâimana mono hã te za tisiré zaprõni wẽ 'wa na 're hâimana. Tane nherẽ, iwasété norĩ hã te tihâimanazém na 're sisimini za'ra.

Provébiu 14:10

Dapẽ'ẽ 're marĩ zépata pire hã dasi'rep si dama waihu'u pese di. Tane duré date robze hã ni'wai ma, da te ipo'o da hã waihu'u õ di.

Provébiu 15:13

Dapẽ'ẽ 're rowẽzé hã te za da'ubu zei pese. Tazahã, robzei'õ hã te za niha na dapẽ'ẽzei'õ hã dama tisõ.

Provébiu 15:15

Robzei ãna 're ihâimana za'ra mono norĩ hã te za bâtâ bâre ropire na 're hâimana za'ra. Tane nherẽ, pẽ'ẽ toi u'âsi 're ihâimana za'ra mono norĩ hã te za tihâimana ze zém na 're hâimana u'âsi za'ra.

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 15:30

Ni'wa ubu toi u'âsi na da te 'madâ'â wamhã, te za dapẽ'ẽ 'remhã ãma dama rowẽ waze. Duré rowasu'u wẽ hã da te wapari za'ra wamhã, dama rowẽ za'ra di.

Provébiu 16:24

Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 17:22

Dapẽ'ẽ 're rowẽzé hã te wedenhi iwẽ uptabi ne hã dama 're hâimana. Tane nherẽ, õne u'â dapẽ'ẽ 're robzei ãna 're idahâimana za'ra mono zé hã te za atãma na te te 're danhib'uwa zani za'ra.

Provébiu 18:14

Dapẽ'ẽ 're rowẽzém na danhiptede hã te za dahâzé wamhã, te te 're da'a'upari. Tane nherẽ, dapẽ'ẽ 're dawi 're irobzei'õ za'ra mono wi hã ni'wa tiwi 're sima'wara waihu'u mono õ di.

Provébiu 25:11

Damreme iwẽ hã aiwa bâtâ uwaibaba na da te dama 're iroti za'ra mono zé hã, aiwa ẽtẽ waipo pré oru na ropodo ẽtẽ waipo prã prata 'manharĩ na da te ãma isa'ra ne hã.

Provébiu 27:9

Dasisadazezém na 're dasi'mawamarĩ za'ra mono wa, te te dama 're irowẽ zani za'ra mono ne, te sena na 're idasisawi za'ra mono zé hã te te dama 're rowẽ zani za'ra.