Provébiu 12:21 - ꞌRe Ihâimana Uꞌâsi Mono Zadawa Wasuꞌu

²¹ Ropire hã i'uwaibaba na si 're ihâimana za'ra mono norĩ zô, 're iwairébé mono da hã, mare di. Tane nherẽ, wasété na 're ihâimana za'ra mono norĩ si te ropire hã te te 're sõpẽtẽ u'âsi za'ra.

Provébiu 12:21 ပူးပေါင်းရင်းမြစ်များ

Salmu 91:10

Niwamhã marĩ ipire uptabi asô iwatobro da hã mare di za. Duré asõrõwa u marĩ iwasété uptabi iwisi da hã mare di za.

Provébiu 1:31

Tahawa, marĩ 're i'manharĩ za'ra wa'aba mono zéb zarina te za tô iwasété na si 're asaihuri aba mo.

Provébiu 1:33

Tane nherẽ, ni'wam norĩ te te 're ĩwapari za'ra mono norĩ hã te za hâtâ'â ãna sima iwẽ na 're hâimana za'ra, ipahi hã te te 're 'rãmi za'ra mono ãna.

Provébiu 11:21

Tô sena wa waihu'u: Iwasété ma, te za tô rob'manharĩ wasété zé hã tãma 're hâimana za'ra. Tane nherẽ, wẽ na 're ihâimana za'ra mono norĩ si te za ti'ahârizé wi hã 're sisani za'ra.

Provébiu 12:20

Wasété na te te 're irowa'õtõ za'ra mono norĩ pẽ'ẽ 'remhã te isadawa nhipese na isimirosa'ratazép si tãma 're hâimana za'ra. Tane nherẽ, rowẽ na 're dahâimana za'ra mono da, te te dama 're iromhuri za'ra mono norĩ hã te za robze na 're ihâimana za'ra mono zép si te te 're sõpẽtẽ za'ra.

Provébiu 14:14

Iwẽ hawi 're isipizari za'ra mono norĩ hã tiwasété 'manharĩ na te te 're i'upa za'ra mono zéb zarina, te za romnhi'esezé hã te te sima 're sani za'ra. Tane nherẽ, wẽ na 're ihâimana za'ra mono norĩ hã te za ro iwẽ hã te te sima 're sani za'ra.

Provébiu 19:23

Ni'wa, Uburé Danhib'apito te te 're wazé mono wamhã, te za rowẽ na si 're hâimana hâ pese, sima iwẽ na.

Roma 8:28

'Re ihâimana u'âsi mono zawi pese 'wa norĩ da, marĩ iwasédé hã ahâ na sada 're hâimana za'ra mono nherẽ, te za 'Re ihâimana u'âsi mono hã iwẽ si te te tãma 're apisutu iwa'rãmi, te te sima 're i'awẽ mono zéb zarina, tinhib'a'uwẽ da, te te sima 're i'apisutu mono norĩ ma hã. Ãne hã wama waihu'u pese za'ra di oto wa norĩ hã.

2 Corĩtu 4:17

Ti'ab ré, wa za tô wa te 're robzépata a'â. Tane nherẽ, ta hã wama wapure di. E marĩ wa. Taha wa'rãmi, te za 'Re ihâimana u'âsi mono iwẽ uptabi na hã duré ipire uptabi na hã te te wama 're wa'âbâ, isi'utõrĩ'õ na. Ti'ab ré, wa te 're robzépata za'ẽtẽ mono nherẽ, taha nhipai u wẽ uptabi di za, iwẽ na te te wama iropisutu siromo zé hã.

1 Pedru 3:13

A norĩ wa'wa hã 're anomro wẽ wa'aba mono da, tô sena asina 're rosa'rata za'ra wa'aba mono wamhã, e 'wa hã te za rowasédé hã te te aima 're 'manharĩ za'ra wa'wa.

Apocalipsi 18:6

Ma'ãpé Babilonia ãma 're idahâimana za'ra mono norĩ ma, tãma ãma wa'rãmi za'ra wa'aba asa, aiwab da, ĩnhib'a'uwẽ norĩ ma, te te 're irob'manharĩ za'ra mono ne. Ta norĩ nhimirob'manharĩzéb zarina ma tô ĩnhib'a'uwẽ norĩ hã te te 're robzépata za'ẽtẽ za'ra. Tahawa, ĩnhib'a'uwẽ norĩ ma, te te tãma 're irob'manharĩ za'ra mono zém nhipai u, te za tãma ãma iwa'rãmi za'ra wa'wa, Babilonia ãma 're idahâimana za'ra mono norĩ ma, isipai u te te 're robzépata za'ẽtẽ za'ra mono da.