Provébiu 12:18 - ꞌRe Ihâimana Uꞌâsi Mono Zadawa Wasuꞌu

¹⁸ Dasi'aba'ré na damreme zani hã aiwa, sib'ézé 'wa pa 'wa 'rãsutu ne hã te 're hâimana za'ra. Tane nherẽ, i'rãi waihu'u wẽ norĩ mreme hã te te 're da'a'rãzéptâ'â waihu'u pese mono di.

Provébiu 12:18 ပူးပေါင်းရင်းမြစ်များ

Provébiu 12:17

Sena na 're ihâimana za'ra mono norĩ hã te za tô sadawa nhipese ãna te te dama 're dawasu'u za'ra, dasisõ'a. Tane nherẽ, senai õ na te te 're idawasu'u za'ra mono norĩ hã, te za sadawa nhipese na hã te te 're rowasu'u za'ra.

Provébiu 13:17

Romreme 'wapéi'wa norĩ iwasédé i'umnhasi'õ hã te za ropire u 're rere'e. Tane nherẽ, i'umnha hã da te 're isatõrĩ za'ra mono norĩ hã te za dahâzé'õzé hã te te dama 're ãwisi za'ra.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 16:24

Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 25:18

Sadawa nhipese na dahâiba na te te 're irobzanhamri za'ra mono hã simimnhasi uptabi di, aiwa sib'ézé 'wapa ne, duré ti i'wanhimoi 'wa pese ne, duré brutu'umo 'wanhiséré ne hã.

Provébiu 4:22

Rowaihu iwẽ hã ni'wam norĩ te te 're waihu'u za'ra mono wamhã, te za 're ihâimana hâ za'ra mono zé hã te te tãma 're sõmri za'ra, duré hâzé ãna 're ihâimana za'ra mono zé hã.

Daniéu 11:33

Rowaihu'u pese 'wa norĩ, te za tinhimiroti wẽ na te te 're dapawaptob za'ra. Tane nherẽ, suru na a'â we hâimana ré, te za ta norĩ sib'ézé wapa na hã dasiwi simro ni, niha wamhã unhama ro'o na. Duré niha wamhã, ti'ai wa'õtõ nho'õmo nhiti, da te dasiwi simroi mono da hã te za tãma rob'ru za'ra ni, pawasisi ré. Te za duré uburé isimarĩ hã tiwi sani za'ra ni.

Apocalipsi 1:16

Wasi hã 7 na te tété za'ra, tinhib'rata nhimire niwĩ. Duré isadai'ré hawimhã, sib'ézé 'wa si'uiwa 'wa pa te da'o, i'wa pe hã. Duré i'ubu hã te rowa'a za'ẽtẽ. Abzuma bâdâ te te 're irowa'a mono ne, te rowa'a za'ẽtẽ.

Apocalipsi 22:2

'Ri nho'õmo wa'wa, 'ri nhi'ridi inomro wa'wa, te tipraba. Duré wede hã â praba zada'ré si'uiwa na isãna'rata si'uiwa sisa'ridi hã te tame 're sa, i'rã hã da te 're huri mono wa, 'Re ihâimana u'âsi mono 'rata, dato sina 're idanomro u'âsi mono zé hã. A'amo sidâpâsi i'rãzé ta hã. Duré wahub sidâpâsi te 're 'rãi u'âsi. Duré isu hã daro mono bâ apâ ãma 're idazéptâ'â za'ra mono zéb da hã te 're hâimana za'ra.