Provébiu 12:17 - ꞌRe Ihâimana Uꞌâsi Mono Zadawa Wasuꞌu

¹⁷ Sena na 're ihâimana za'ra mono norĩ hã te za tô sadawa nhipese ãna te te dama 're dawasu'u za'ra, dasisõ'a. Tane nherẽ, senai õ na te te 're idawasu'u za'ra mono norĩ hã, te za sadawa nhipese na hã te te 're rowasu'u za'ra.

Provébiu 12:17 ပူးပေါင်းရင်းမြစ်များ

Provébiu 12:16

Isimiza'rese'õ hã niha dazada ihâimanazém na hã te za awa'awi te te dama ãma 're ropé. Tane nherẽ, i'rãi waihu'u wẽ ãma, da te 're iwasété mono zé hã te te sina 're mrami waihu'u mono õ di.

Provébiu 12:18

Dasi'aba'ré na damreme zani hã aiwa, sib'ézé 'wa pa 'wa 'rãsutu ne hã te 're hâimana za'ra. Tane nherẽ, i'rãi waihu'u wẽ norĩ mreme hã te te 're da'a'rãzéptâ'â waihu'u pese mono di.

Provébiu 14:25

Ni'wa hã sena na te te dama 're da'awasu'u mono wamhã, te za dahâimanazém na te te ãma 're da'anho'reptu. Tane nherẽ, duré ni'wa, senai õ na te te dama 're ida'awasu'u mono 'wa hã te za te te 're da'ahâiba za'ré, tizadawa nhipese na hã.

Provébiu 14:5

Sena na dama dawasu'u hã dazadawa nhipese na hãi õ di. Tane nherẽ, senai'õ na dama dawasu'u hã te dazadawa nhipese na hã da te 're nhipti ahâ za'ra.

Provébiu 19:28

Da'ãma rowairébézéb ãma, dasiwasu'u na da te 're uwaimrami za'ra mono õ wamhã, te za da'ãma 're dawa'ẽ za'ra, rob'uwaibaba na za te te da'ãma 're rowairébé mono õ wa. Iwasété norĩ ma, uburé marĩ iwasédé hã tãma ise.

Provébiu 19:5

Da'ãma rowairébézéb ãma sena na dawasu'u'õ'wa hã, isimihâzé wi 're isimani mono da hã mare di za.

Provébiu 21:28

Sena na dawasu'u'õ'wa hã te za da te 're mreme nhihâri za'ra. Tane nherẽ, damreme wapari wẽ 'wa si te za da te 're wapari zei pese za'ra.

Provébiu 24:28

Da'ãma rowairébézéb ãma, asiré hã dama wasu'u wasété tõ, marĩ ãma hâimana õ nherẽ. Asadawa nhipese na asahâi na hã dama wasu'u tõ.

Mateu 15:19

Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.

Mateu 26:59

Tawamhã sasedoti ipire norĩ hã, duré uburé zudeu norĩ ma roti'wa norĩ hã, te ni'wam norĩ zô tinhopré, Zezusi hã marĩ te te 're i'ab'manharĩ wasété mono zém na, sadawa nhipese na te te siwi ãma hiri da, tawapsi romanu norĩ hã te te siwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:13

Tawamhã Estewãhã mreme te te siwi iwẽ'õ za'ra norĩ zô, ma tô sô tihârâ za'ra, taré te te siwi iwasu'u wasété 'wa norĩ zô, Estewã te te tãma wasu'u wasété za'ra da. Ãne te dama ipire za'ra norĩ ma, Estewã hã taré wasu'u za'ra: — Õ hã aibâ hã, rowasu'u wasédé hã te te sazâri õ di, 'Re ihâimana u'âsi mono nhorõwa 'ri na hã. Duré 'Re ihâimana u'âsi mono nhimiroti wẽ wa'rãmi, ma tô te te dama 're rowasu'u wasété u'âsi.

1 Pedru 3:16

Aiwaimri te za 're asiwasu'u za'ra wa'aba mo, aimreme wasété ãna. Aihâimana wẽ na te za dama 're aihâimana za'ra wa'aba mo, asimirosa'rata wasété na 'râwi 're asiwẽ'õ za'ra wa'aba mono tõ da. Tawamhã dama 're aihâimana wẽ za'ra wa'aba mono wamhã, Cristuhu zazei'wa 're aihâimana za'ra wa'aba mono 'ru te, taré da te aima 're inharĩ wasété za'ra wa'aba mono niwĩ, te za dasimreme ma 'râwi 're danhiséb za'ra.