Provébiu 12:16 - ꞌRe Ihâimana Uꞌâsi Mono Zadawa Wasuꞌu

¹⁶ Isimiza'rese'õ hã niha dazada ihâimanazém na hã te za awa'awi te te dama ãma 're ropé. Tane nherẽ, i'rãi waihu'u wẽ ãma, da te 're iwasété mono zé hã te te sina 're mrami waihu'u mono õ di.

Provébiu 12:16 ပူးပေါင်းရင်းမြစ်များ

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 12:17

Sena na 're ihâimana za'ra mono norĩ hã te za tô sadawa nhipese ãna te te dama 're dawasu'u za'ra, dasisõ'a. Tane nherẽ, senai õ na te te 're idawasu'u za'ra mono norĩ hã, te za sadawa nhipese na hã te te 're rowasu'u za'ra.

Provébiu 14:33

Isimirowaihu'uzé iwẽ norĩ pẽ'ẽ 'remhã te rowaihu iwẽ hã tãma 're hâimana za'ra. Tane nherẽ, simiza'rese ãna 're ihâimana za'ra mono norĩ ma hã ãne hã tãma sa'rese za'ra õ di.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 17:9

Ni'wa hã dawasédé da te tãma 're i'manharĩ mono zé te te da'ãma 're 'madâ'â mono õ wamhã, isimizawizé tãma 're ihâimana mono zém na hã te za dama sihâi'ré. Tane nherẽ, duré ni'wa dawasété na te te 're rosa'rata u'âsi mono wamhã, te za sina 're siwãnhizari zahuré.

Provébiu 25:28

Dahâimana wa'ro zarina 're idasitété waihu'u mono õ, te 'ri 'wawi wa'ra 'rãihâ 're isipru pese mono ne hã 're hâimana.

Provébiu 27:3

Ẽtẽ norĩ, supara me hã pire uptabi zahuré di. Tane nherẽ, isimiza'rese'õ norĩ nhimirob'manharĩ wasété zarina ro'wa'rutuzé hã pire uptabi di, isipai u zahuré.

Provébiu 29:11

Isimiza'rese'õ norĩ hã te sõ'awi 're isahi za'ra mono zém na hã 're sihâi'ré za'ra. Tane nherẽ, wẽ na 're ihâimana mono hã te za ari'iwi 're hâimana mono da si 're sitété.

Tiagu 1:19

Ĩsisãnawã norĩ, ĩma asawi pese za'ra wa'aba norĩ hã, ãne wa za duré aima waihu'u za'ra wa'wa, ãma 're i'asipo're pu'u u'âsi za'ra wa'aba mono zéb da hã. Ari'iwi te za a'â 're idawapari za'ra wa'aba mo, aiwara sina aimreme hã 're sani za'ra wa'aba mono tõ da, duré dazada 're asahi za'ra wa'aba mono tõ da.