Provébiu 12:15 - ꞌRe Ihâimana Uꞌâsi Mono Zadawa Wasuꞌu

¹⁵ Isimiza'rese'õ, te marĩ i'uwaibaba na te te 're i'manharĩ za'ra mono ne hã te te sina 're rosa'rata u'âsi za'ra. Tane nherẽ, i'rãi waihu'u wẽ norĩ hã te roti iwẽ te te 're iwapari za'ra mono zé hã te te sina 're uze za'ra.

Provébiu 12:15 ပူးပေါင်းရင်းမြစ်များ

Provébiu 1:5

'Rãi waihu'u wẽ na 're ihâimana za'ra mono zama ã hã rowaihu iwẽ hã te te 're po're 'repu'u za'ra mono wamhã, te za isimirowaihu iwẽ hã te te sina tãma 're hâimo za'ra. Te za duré tinhimirowaihu'uzé iwẽ te te ãma 're iwaihu'u ahâ za'ra mono zé hã te te 're pibui pese za'ra,

Provébiu 13:1

Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Provébiu 14:12

Bâdâdi i'uwaibaba na iharé newa ãma 're danomro mono zahã, te za dadâ'âzéb u hã te te 're da'a'ãwisi.

Provébiu 14:16

I'rãi waihu'u wẽ norĩ hã te za ropire tãma 're hâimana za'ra mono tõ da, 're si'madâ'â pese za'ra. Tanei õ di, isimiza'rese'õ norĩ hã. Te rosa'rata ãna si'aba'ré na marĩ hã te te 're 'manharĩ za'ra.

Provébiu 16:2

Uburé marĩ i'uwaibaba na da te 're i'manharĩ za'ra mono zém na da te 're rosa'rata za'ra mono zahã, te Uburé Danhib'apito, dapẽ'ẽ 're, da te dasima 're iwẽ za'ra mono zé iwẽ na hã iwasété na zama hã te te dawi 're awaihu'u.

Provébiu 16:25

Bâdâdi i'uwaibaba na iharé newa ãma 're danomro mono zahã, te za dadâ'âzéb u hã te te 're da'a'ãwisi.

Provébiu 19:20

Ma'ãpé danhimiroti hã 're wapari pese mono, duré asima 're wẽ mono. Ãne wamhã, nimahã na te za ai'rãi waihu'u wẽ na oto 're aimo.

Provébiu 21:2

Uburé marĩ i'uwaibaba na da te 're i'manharĩ za'ra mono zém na, da te 're rosa'rata za'ra mono zahã, te Uburé Danhib'apito, dapẽ'ẽ 're, da te dasima 're iwẽ za'ra mono zé iwẽ na hã iwasété na zama te te dawi 're awaihu'u.

Provébiu 26:12

E aima waihu'u pese di, ni'wa hã ti'rãiwaihu'u wẽ na 'râwi 're isi'madâ'â zei mono hã. Taha ma hã rowẽ õ di za. Isimiza'rese'õ ma si, tãma rowẽ di za, õhõ nhipai u iwa'rãmi.

Provébiu 26:16

Iwa'a hã te duré si'ãma 'râwi te te 're rosa'rata, 7 na aibâ norĩ i'uwaibaba na si 're isimizada'âbâ za'ra mono nhipai u marĩ tãma iwaihu'u pese na hã.

Provébiu 28:11

Isimarĩ pese norĩ, te õne u'â ti'rãi waihu'u pese na hã te te sina 're rosa'rata za'ra. Tane nherẽ, isimarĩ'õ i'rãiwaihu'u wẽ ma si tãma waihu'u pese di, niha hã we 're ihâimana za'ra mono zé hã.

Provébiu 3:7

Ai'rãi waihu'u pese na, asina 're rosa'rata mono tõ. Uburé Danhib'apito hã 're wazé mono. Aiba niwĩ uburé marĩ iwasété wi hã tãma 're aipâi mono, marĩ 're ab'manharĩ tõ mono da.

Provébiu 30:12

Ni'wam norĩ hã te tiwẽ na 're ihâimana za'ra mono na te te sina 're rosa'rata za'ra. Tane nherẽ, zahadu 're isi'uptob za'ra mono pari zé hã tãma 're hâimana za'ra mono õ di, ipẽ'ẽ 'remhã.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

Luca 18:11

Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Galata 6:3

Ãté ni'wa hã simiroti pire newa, te za 'râwi tinhimiroti pire na 're si'madâ'â ze. Ãne wamhã, 'râwi te za tipẽ'ẽ na sima 're sadawa nhipese.