Provébiu 12:14 - ꞌRe Ihâimana Uꞌâsi Mono Zadawa Wasuꞌu

¹⁴ Ni'wa hã timreme wẽ zarina, te za iwẽ hã te te sima 're azani. Tinhib'rata na te te 're iromhuri wẽ mono zéb zarina, te za duré iwẽ hã te te sima ãma 're azani.

Provébiu 12:14 ပူးပေါင်းရင်းမြစ်များ

Provébiu 1:31

Tahawa, marĩ 're i'manharĩ za'ra wa'aba mono zéb zarina te za tô iwasété na si 're asaihuri aba mo.

Provébiu 13:2

Ni'wa hã timreme wẽ zarina, te za iwẽ hã te te sima 're azani. Tane nherẽ, senai'õ na 're ihâimana za'ra mono norĩ hã te te dama 're irob'manharĩ wasété za'ra mono da si, tãma iwẽ hã.

Provébiu 14:14

Iwẽ hawi 're isipizari za'ra mono norĩ hã tiwasété 'manharĩ na te te 're i'upa za'ra mono zéb zarina, te za romnhi'esezé hã te te sima 're sani za'ra. Tane nherẽ, wẽ na 're ihâimana za'ra mono norĩ hã te za ro iwẽ hã te te sima 're sani za'ra.

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 19:17

Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.

Provébiu 24:12

Tawamhã a hã ãté te za inha, niha na iromhâimanazé atei õ na hã. Tane nherẽ, 'Re ihâimana u'âsi mono ma hã waihu'u pese di, aipẽ'ẽ 're niha na we asima irosa'rata mono zé hã. Tahawa, te za tô õ hã imono bâ marĩ da te 're i'manharĩ za'ra mono zéb zarina, te te dama 're awa'âbâ.

Provébiu 5:22

Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.

Mateu 16:27

Ti'ai ãma Dasiré Ipodo, niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tamep si uburé marĩ hã da te 're i'manharĩ za'ra mono zéb zarina, te za dama hã arowairébé, iwẽ norĩ ma, duré iwasété norĩ ma.

Hebreu 11:26

Apito Fara'oho nhorõwa ãma 're sãmra u'âsi mono 'wa'âhã, te aré marĩ iwa'âbâ za'ẽtẽ na tinhibro pese, Ezitu ãma uburé marĩ hã iwa'âbâ za'ẽne hã 're isimi'wara mono na. Ta hã marĩ wa'âbâ za'ẽtẽ mono hã wẽ nherẽ, taha upana marĩ iwẽ uptabi si ma tô sima wẽ, Mozési hã. Danho'reptui'wa da, 'Re ihâimana u'âsi mono te te ipisutu ma si, te te 're robzépata mono da si, ma tô sima wẽ pese. Iwẽ hã 'Re ihâimana u'âsi mono, niwa za te te tãma isõmri na si, ma tô te te ãma 're rosa'rata u'âsi, Mozési hã.

Hebreu 2:2

Duréihã 'Re ihâimana u'âsi mono nhimiroti hã, hâiwa ãma tãma iromhuri'wa norĩ hã wahi'rata norĩ ma, te te iwaihu'u za'ra zé hã tô sena na 're ihâimana mono na ma tô da te 're waihu'u za'ra. Duré ni'wam norĩ hã õhõ si te te 're 'madâ'â za'ra mono õ wa, duré isarina si 're nomro wẽ mono õ wa, ma tô 'Re ihâimana u'âsi mono hã isimi'manharĩ za'ra zéb zarina si te te 're hâ za'ra.