Provébiu 12:13 - ꞌRe Ihâimana Uꞌâsi Mono Zadawa Wasuꞌu

¹³ Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 12:13 ပူးပေါင်းရင်းမြစ်များ

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Salmu 34:19

Wẽ na 're inomro mono norĩ hã, te tô ropire na te te 're robzépata za'ra. Tane nherẽ, Uburé Danhib'apito, te uburé ropire mono hawimhã te te 're anho'reptu.

Salmu 34:20

Ta hã te duré ihâiba na ihi mono hã te te tãma 're ab'madâ'â pese, 'maihisihâri tõ da hã.

Salmu 5:6

A hã isadawa nhipese norĩ hã te 're i'anho'remhâri mo. Te duré isipãrĩ ze norĩ hã, senai õ na 're ihâimana za'ra mono norĩ me 're i'awẽ'õ pese mo.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 11:8

Sena na 're ihâimana za'ra mono norĩ hã te za robzépata hawimhã 're sisõ'reptu za'ra. Tane nherẽ, te za iwẽ norĩ upana iwasété norĩ ma hã 're hâimana za'ra, ropipa hã.

Provébiu 15:2

I'rãi waihu'u wẽ mreme hã da te 're wapari za'ra mono wamhã, te za rowaihu iwẽ hã da te dasima 're wẽ za'ra. Tazahã, isimiza'rese'õ norĩ hã te za siwa'ru timreme wasété na si 're mreme zusi.

Provébiu 18:21

Danhoto na damreme hã siptete di, isiminho'reptu zarina, ãma 're idahâimana za'ra mono zéb da hã. Duré ãma dapãrĩ da hã tô siptete di. Tahawa, damreme zarina te za tô niha hã da te dasima 're sani za'ra, iwẽ hã.

Provébiu 21:23

Ni'wa niha na timreme zani wi 're si'madâ'â pese mono wamhã, te za ropire te te sisô iwazere nhiti hã 're hâimana.

Provébiu 6:2

E ma tô asisito, aimreme na dama iropisutu zarina hã.

Daniéu 6:24

Tawamhã apito nhimiwada'uri zarina ma tô Daniéu wasu'u wasété'wa norĩ hã dasiwi sãmra ni, hu'u zérépa isimasabzé ab're u, uburé isiré za'ra zama imro norĩ hã, duré i'ra norĩ hã. Tawamhã zahadu hâimo hawi itẽme za'ra sisa'rei mono ré, ab're nhitõ u hã ma tô zahadu ré hu'u zérépa norĩ sô tizarõtõ za'ra. Tahawa, ma tô uburé te te hipru pese za'ra.

Mateu 27:25

Tawamhã asa te tãma nharĩ za'ra ni, ãne: — Wẽ di tô. Wa te wasiwi iwaptẽrẽzéb zarina, da te dasiwi wĩrĩ wamhã, 'Re ihâimana u'âsi mono te te tô pé wahâ za'rare, wa'ra norĩ zama, duré wanhihudu norĩ zama hã pé tô te te hâ za'ra, wawasédé hã wa te ãma 'manharĩ za'ra di pâ.

2 Pedru 2:9

'Re ihâimana u'âsi mono ma, waihu'u pese di, Lo hã te te isõ'reptuzéb da hã. Tane duré, Wanhib'apito ma waihu'u pese di, ro'wa'rutu hawi te te 're i'anho'reptui mono zéb da hã, isimiroti 'madâ'â pese 'wa norĩ hã. Duré tãma waihu'u pese di, te te 're ida'ahâ za'ra mono zéb da hã, 're idanomro wasété mono norĩ hã, bâdâ iwa iwaptã'ãzéb u hã, dahâimanazém na te te ida'awaihu'uzéb da hã. Tawapsi te za dahâimanazéb zarina te te dama 're arowairébé, rob'rãsutuzéb ãma.