Provébiu 12:12 - ꞌRe Ihâimana Uꞌâsi Mono Zadawa Wasuꞌu

¹² Iwasété norĩ hã tô iwasété hâiba amo, marĩ hâimana nhipese na te te dawi 're iwaibui mono na hã te te 're 'ruiwapari za'ra, te te tiwi sima 're waibui mono da hã. Tane nherẽ, wẽ na 're ihâimana za'ra mono norĩ hã te siptete na si marĩ te te 're 'manharĩ wẽ u'âsi za'ra, dawaprã.

Provébiu 12:12 ပူးပေါင်းရင်းမြစ်များ

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Salmu 10:9

Hu'u zérépa ne, te tô 're isima'uri mono zéb ãma hã dazô 're simipari. Te duré si'wawi 're isimapa waihu'u õ norĩ zô hã 're rĩtĩ. Simire sina te sô 're simipari za'ra. Te te da'mai'âri wamhã, te za te te da'ãma robâdâ.

Provébiu 10:15

Isimarĩ pese norĩ 'wawimhã te za isibro hã 're simapa za'ra. Tane nherẽ, isimarĩ'õ norĩ hã te za isibrob'õ hã te te 're uprosi, simapa waihu'u õ wa, marĩ na.

Provébiu 11:30

Sena na 're ihâimana za'ra mono norĩ hã te za rowẽ na 're idahâimana za'ra mono zé hã te te dama 're ãwisi za'ra. Duré i'rãi waihu'u wẽ norĩ hã te za tisiwaihu'u norĩ na hã ãma 're hâ'â.

Provébiu 21:10

Iwasété norĩ ma hã i'ru zahi, marĩ te te 're i'manharĩ wasété za'ra mono zéb da hã. Ta norĩ hã duré da'ãma 're siwamri waihu'u za'ra mono õ di.

Zuwã 15:16

A norĩ wa'wa hã asima ĩwẽ na'rata za'ra wa'aba õ di, ĩsiré 're anomro aba mono da. Wa hã wa tô ĩsima aiwẽ na'rata za'ra wa'wa, ĩsiré 're anomro aba mono da. Wa tô duré aipisutu za'ra wa'wa, datẽme 're anomro aba mono da, da'ãma asimiromhuri 'wa hã ĩma ãma 're uwaimrami za'ra wa'aba mono da. Tawamhã asimiromhuri za'ra wa'aba na hã robaba õ di za. Ãne wamhã, Ĩmama te za te te 're aiwapari u'âsi za'ra wa'wa. Tawamhã uburé marĩ hã te te aima 're iwẽ za'ra wa'aba mono zéb uwaibaba si, tiwi 're rowaptẽrẽ za'ra wa'aba mono wamhã, te za te te aima ãma 're a'uwaimrami 'wa.

Zuwã 15:5

— Uwa 'ru na wa za ĩsina simiré'é. Uwa 'ru panhipti sisa'riti na wa za duré ai'ãma simiré'é za'ra wa'wa. Ĩ'ãma 're aihâimana u'âsi za'ra wa'aba mono wamhã, wa za te 're aipawaptob u'âsi za'ra wa'wa, 're anomro wẽ uptabi aba mono da. Asiwaprosi 're anomro wẽ waihu'u aba mono õ di za.

Roma 6:22

Tane nherẽ, 'Re ihâimana u'âsi mono hã tinhiptetezé hã ma tô te te aima 're sõmri za'ra wa'wa oto, aiwasété ãna ãma 're anomro aba mono da oto. Ma tô duré aima si'apito za'ra wa'wa, taha ma si oto 're romhuri za'ra wa'aba mono da. Tahawa, ma tô, tiwi 're asisawi za'ra wa'aba mono ãna, aihâiba hã tãma 're isõmri za'ra wa'aba mo. Taha wa'rãmi te za rowẽ uptabi na i'rata 're aihâimana u'âsi za'ra wa'aba mono zé hã te te aima 're apisutu 'wa oto.