Provébiu 12:11 - ꞌRe Ihâimana Uꞌâsi Mono Zadawa Wasuꞌu

¹¹ Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 12:11 ပူးပေါင်းရင်းမြစ်များ

Zenezi 3:19

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 13:23

Isimarĩ'õ norĩ nhipti'ai wamhã, ãté amnho sa'ẽtẽ na te za 're wairébé. Tane nherẽ, senai õ na 're ihâimana za'ra mono norĩ hã te te tiwi 're sawi za'ra mono wa, te za te te 're irobzuri mono hã te te 're simini za'ra.

Provébiu 14:23

Ni'wa hã simi'ẽ na te te 're romhuri pese mono wamhã, te za tihâimanazéb da hã te te sima 're azani. Tane nherẽ, ni'wam norĩ robzanhamri ma si 're hâimana za'ra mono wamhã, te za marĩ zô tiwi 're irowaptâ'â za'ra mono zé hã te te sisô 're sani za'ra.

Provébiu 14:4

Powawẽ ti'ai hâipo'o'wa da, dama hâimana õ wamhã, amnho hã dama watobro õ di za. Tane nherẽ, powawẽ isiptede dama ihâimana zarina amnho tehârizé hã sa'ẽtẽ di za.

Provébiu 20:13

Aptâ'â si hã asima 're sawi mono tõ. Ãnei õ wamhã, asimarĩ ãna te za 're aihâimana mo. 'Re atopo'o su'u mono, asa 're romnhimi'wara mono da, asazéb da hã.

Provébiu 27:27

Tawamhã te za pone'ẽrebâ hâiwa'u 'manharĩ u'ẽne hã 're isi mono da hã sa'ẽtẽ na aima 're hâimana, ai'ra norĩ ma zama, duré aima romhuri'wa norĩ sipi'õ si'uparizéb da zama.

Provébiu 28:19

Ni'wa tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, te za simarĩ õ u'âsi 're hâimana.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Provébiu 7:7

wa tô siwazari ipréduptém norĩ simirosa'rata waihu'u prã na 're ihâimana za'ra mono norĩ hã 'madâ'â za'ra. Ta norĩ 'remhã te isimiza'rese'õ hã ti'maihâiba dawazari.

Provébiu 9:13

Danhimiza'rese ãna 're idanomro mono zé hã, aiwa pi'õ isimirosa'rata prãire, tãma rowazéb ãna mreme sihâimo na te te 're inharĩ mono ne hã.

Provébiu 9:16

“Asimirosa'rata prãire norĩ, we asisi aba!” Ãne te duré isimiza'rese'õ norĩ ma, te te 're anharĩ:

Provébiu 9:6

Ma'ãpé, rẽme pese za'ra wa'aba, isimiza'rese'õ norĩ hã, rowẽ na 're i'aihâimana za'ra wa'aba mono zé hã asina uwaimrami za'ra wa'aba da. Da'rãi waihu'u wẽ na 're idanomro mono zém na bâdâdi na si 're anomro aba mono.”

Zona 2:8

“Romhâibarĩ hã marĩ dai õ nherẽ, ãma 're iwata za'ra mono norĩ hã ma tô airẽme za'ra, ai'ãma tinhimizaze za'ra zém na hã.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

2 Tesalonita 3:8

Ai'rata wahâimana za'ra wa'aba ré, dasa hã wa'âbâ ãna wa te 're huri mono õ di. Wa tô wa te wasima 're romhuri pese za'ra, wapatâ'â nherẽ, duré wawasutu nherẽ. Bâdâ 'rãi watobro õ ré, duré bâdâ sébré nherẽ, wa tô wa te wasima 're romhuri za'ra, wama 're asõprub za'ra wa'aba mono zô si, aima wapire za'ra wa'aba na 're wahâimana za'ra mono tõ da.

Zuize 9:4

Tahawa ma tô õhõ ma, ẽtẽ waipo prã prata 70 na iwa'õtõ na Baau-Berite ãma romhâibarĩ na 're idawata za'ra mono zé 'ri hawi te te siwi isani za'ra hã tãma sõmri za'ra. Tawamhã tô taha wa'õtõ na ma tô Abimelequi, ni'wam norĩ aibâ niha na siwa'ru 're inomro mono norĩ hã pisutu za'ra, pawa'âbâ ré isib'a'uwẽ na 're nomro mono da.