Provébiu 12:1 - ꞌRe Ihâimana Uꞌâsi Mono Zadawa Wasuꞌu

¹ Ni'wa hã tihâimanazém na te te upai wa, da te tãma roti wamhã, te za sima wẽ upta, te te iwaihu'u wẽ da si. Simiza'rese ãna 're ihâimana mono si tihâimana pese zé te te sina 're i'uzei mono da hã mare di za. Te za te te sina 're wẽ'õ.

Provébiu 12:1 ပူးပေါင်းရင်းမြစ်များ

Salmu 119:27

Uburé Danhib'apito, ma'ãpé ĩpawapto na, asimiroti te sadaihu'u wẽ da. Tawamhã wa za asimiroti wẽ na te ãma 're rosa'rata u'âsi.

Salmu 32:9

Awaru hã, duré awaru po're pore, isadai'ré 're, isi'uwazi nhi'oto na si duré iwata wazizém na si, da te 're iwaratu za'ra mono, isimiza'rese'õ ne, tane a hã asimiza'rese ãna 're aihâimana mono tõ.”

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 11:31

Iwẽ norĩ hã ti'ab ré 're ihâimana wẽ za'ra mono wa'â te te 're waibui mono da wamhã, te za tô duré 're iwasété za'ra mono norĩ zama isimirob'manharĩ wasété zé wa'â hã dasiré te te 're waibu, tiwasédé te te 're i'manharĩ u'âsi za'ra mono norĩ hã.

Provébiu 12:2

Iwẽ norĩ hã te Uburé Danhib'apito hã te te 're awẽsãmri. Tane nherẽ, wasété na te te sima 're irowa'õtõ za'ra mono norĩ si te te siwi 're awẽ'õ pese, niha hã te te tãma 're apisutu mono da hã.

Provébiu 15:10

Ni'wa hã bâdâdi iwẽ te te rẽme zahi wamhã, te za rob'manharĩ pipa zé hã sitẽme ãwisi. Duré ni'wa tihâimanazé pese zé hã te te sina 're uzei mono õ wamhã, te za duré dârâ.

Provébiu 18:1

Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 30:2

Wa hã abaze ne ĩnhimiza'rese õ pese na wa oto 're ĩhâimana. Ĩnhimirowaihu'uzé hã ĩma hâimana õ di, dama 're ihâimana za'ra mono ne hã.

Provébiu 8:17

“Ĩzawi pese 'wa norĩ hã ĩma sawi pese di. Ni'wa ĩzô rĩtĩ wamhã, te za ĩnhopẽtẽ.

Provébiu 8:32

“Tahawa, ipréduptém norĩ, asiwi ĩwapari pese aba! Te aima irowasu'u za'ra wa'aba zé 're 'manharĩ za'ra wa'aba mono wamhã, te za rowẽ uptabi na hã 're aihâimana za'ra wa'aba mo.

Provébiu 8:36

Tane nherẽ, ni'wam norĩ hã ĩwi sina 're ipahâ za'ra mono hã te za 'râwi 're siwamnarĩ za'ra. Uburé ĩzada 're isiti'rui wairébé mono hã te tidâ'âzép si hã te te sima 're sawi za'ra.”

2 Tesalonita 2:10

Tinhimiromhuri wasété na te za dawi udâ pese za'ra, 'Re ihâimana u'âsi mono nhiti za 're idahâimana u'âsi za'ra mono norĩ wi. Ta norĩ hã te iwasu'uwẽ hã te te siwi 're wẽ'õ za'ra, tô sena iwasu'uwẽ hã. Tahawa, ta norĩ hã te te 're sõ'reptu za'ra mono õ di za, 'Re ihâimana u'âsi mono hã.