Provébiu 11:5 - ꞌRe Ihâimana Uꞌâsi Mono Zadawa Wasuꞌu

⁵ Iwasédé, da te ãma 're isa'ra waihu'u mono õ norĩ hã i'uwaibaba na si 're ihâimana za'ra mono zéb zarina, te za bâdâdi irui'õ ne na 're nomro. Tane nherẽ, iwasété norĩ si te za ropire hã te te sisô 're sani za'ra.

Provébiu 11:5 ပူးပေါင်းရင်းမြစ်များ

Provébiu 1:18

Tanei õ di, ã hã aibâ norĩ hã. Ãma 're isi'uprosi mono zéb da hã, te tô 'râwi ãma 're siwaibu, tinhimi'manharĩ na.

Provébiu 11:3

I'uwaibaba na si 're ihâimana za'ra mono norĩ hã te za sena na tihâimanazém na si 're sisimro. Tane nherẽ, iwasété norĩ, senai õ na 're ihâimana za'ra mono zéb zarina, te 'râwimhã 're si'uprosi.

Provébiu 12:3

Ni'wa iwasété si te te 're i'manharĩ mono hã te za sima romnhimimnhasi na si hã 're hâimana. Tane nherẽ, ni'wa sena na 're hâimana mono wamhã, da te irési da hã mare di, wede isari tede, rowa'u te te 're isa'o'o waihu'u mono õ ne.

Provébiu 13:6

Sena na 're idahâimana za'ra mono zé hã te za wasété ãna 're ihâimana za'ra mono norĩ 'wawimhã 're simapa. Tane nherẽ, dawasédé da te 're i'manharĩ za'ra mono zé hã te za te te 're da'a'uprosi.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 21:29

Sena na 're ihâimana mono te za 'râwi tihâimana wẽ zém na hã 're si'wamnhasi. Tane nherẽ, iwasédé hâimana si'ahâ nherẽ, te za sadawa nhipese na tihâimana wẽ zém na 're si'wamnhasi, da te 're wẽsãmri za'ra mono da.

Provébiu 28:18

Ni'wa sena na 're ihâimana mono hã te za sima iwẽ na 'madâ'â ré na 're hâimana. Tane nherẽ, ni'wa senai õ na 're ihâimana mono hã te za waptu na waptãrã.

Provébiu 3:6

Uburé marĩ 're i'ab'manharĩ mono na 'Re ihâimana u'âsi mono ãma 're aipo're pu'u mono. Taha wamhã bâdâdi awa'awi inomro hã te za te te aima 're hâi'ré u'âsi.

Provébiu 5:22

Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.

Zuize 20:41

Tawamhã Izaraéu nhihudu norĩ apâ te te sina siri za'ra wamhã, ma tô Bẽzamihĩ nhihudu norĩ hã tãma tipẽ'ẽwara pese za'ra, za ropire tãma ihâimana za'ra zé hã te te sina waihu'u siromo za'ra wa.