Provébiu 11:4 - ꞌRe Ihâimana Uꞌâsi Mono Zadawa Wasuꞌu

⁴ 'Re ihâimana u'âsi mono, niha na te te dama i'arowairébézé bâtâ 'remhã, danhimarĩ hã marĩ dai õ di. Tane nherẽ, i'uwaibaba na si 're idahâimana za'ra mono zép si te za 're idadâ'â za'ra mono zé wi te te 're da'azani.

Provébiu 11:4 ပူးပေါင်းရင်းမြစ်များ

Zenezi 7:1

Tawamhã Uburé Danhib'apito te Nowéhé ma tinha ãne: — Te za oto uba're wa aimro me, ai'ra si'aibâ norĩ me duré asani aba norĩ me uburé asisisi 'wa. E marĩ wa. Aiwétési te i'uwaibaba na si 're aimo, ti'ai ãma asiré 're ihâimana za'ra mono norĩ upana.

Provébiu 10:2

Senai õ na 're idahâimana za'ra mono zarina, 're idasisimarĩ pese za'ra mono hã taré uptabi, marĩ dai õ di. Tane nherẽ, sena na 're idahâimana za'ra mono na hã te za dadâ'âzé wi ãma 're dasisani za'ra.

Provébiu 12:28

Sena na iwẽ na si 're idahâimana za'ra mono zé hã, rowẽ na 're idahâimana u'âsi za'ra mono zé, te wasu'u. Taha si te za 're idadâ'â za'ra mono zé wi, te te 're da'anhimro.

Provébiu 6:34

E marĩ wa. Pi'õi mro hã da te âri wa, imro te te i'umnhasi zarina, te za 're siti'ru pusi. Duré isimi'ruiwa'âbâzé isitõ da hã mare di.

Mateu 16:26

Ãté ni'wa hã te za tinhibro hã te te sima 're a'ubumroi pese, sibrob ahâ uptabi da. Tawamhã te za oto dârâ. Ti'ab ré, sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. Ti'ai ãma, simarĩ ahâ uptabi nherẽ, tãma hã waihu'u õ di za, tinhimarĩ na rowẽ ãma 're ihâimana mono zé te te ãma sima iwa'âbâzéb da hã.

Luca 12:20

Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”

Roma 5:17

Tô sena aibâ hã misi, tiwasédé te te i'manharĩ na'rata hawi, ma tô oto 're dadâ'â u'âsi za'ra. Tane nherẽ, Zezu Cristu hã aibâ misi nherẽ, isimi'manharĩzé hã pire uptabi di, aibâ tiwasédé te te i'manharĩ na'rata zém nhipai u. Wẽ uptabi di. 'Re ihâimana u'âsi mono hã iwẽ uptabi hã te te tãma 're i'apisutu mono norĩ si, te za hâimana pire na isiré 're hâimana u'âsi za'ra, tinhoprubzé hã te te tãma 're i'anhomri mono norĩ si. Isõprubzé hã te te 're ida'awẽsãmri mono zé, te wasu'u. Cristu idâ'âzém na te za dahâimana pire na isiré 're dahâimana u'âsi za'ra.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.