Provébiu 11:30 - ꞌRe Ihâimana Uꞌâsi Mono Zadawa Wasuꞌu

³⁰ Sena na 're ihâimana za'ra mono norĩ hã te za rowẽ na 're idahâimana za'ra mono zé hã te te dama 're ãwisi za'ra. Duré i'rãi waihu'u wẽ norĩ hã te za tisiwaihu'u norĩ na hã ãma 're hâ'â.

Provébiu 11:30 ပူးပေါင်းရင်းမြစ်များ

Provébiu 12:12

Iwasété norĩ hã tô iwasété hâiba amo, marĩ hâimana nhipese na te te dawi 're iwaibui mono na hã te te 're 'ruiwapari za'ra, te te tiwi sima 're waibui mono da hã. Tane nherẽ, wẽ na 're ihâimana za'ra mono norĩ hã te siptete na si marĩ te te 're 'manharĩ wẽ u'âsi za'ra, dawaprã.

Provébiu 14:25

Ni'wa hã sena na te te dama 're da'awasu'u mono wamhã, te za dahâimanazém na te te ãma 're da'anho'reptu. Tane nherẽ, duré ni'wa, senai õ na te te dama 're ida'awasu'u mono 'wa hã te za te te 're da'ahâiba za'ré, tizadawa nhipese na hã.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Daniéu 12:3

'Rãiwaihu'u wẽ na 're ihâimana za'ra mono norĩ hã te za tihâiba na te te sina 're rob'uiwẽ za'ra, hâiwa na 're isimasa mono norĩ te te 're irob'uiwẽ za'ra mono ne. Duré i'uwaibaba na si te te dama 're irowasu'u za'ra mono norĩ hã te za hâiwa na wasi te te 're irob'uiwẽ za'ra mono ne, te te 're rob'uiwẽ u'âsi za'ra, sina.

Mateu 4:19

Tawamhã Zezusi hã te sô tihârâ zahuré ãne: — We ane wa'aba, ĩsiré 're ane wa'aba da oto, romhuri na aima ĩsisanho wa'aba da, ĩma 're ida'awaibui wa'aba mono zéb da na.

Zuwã 4:36

Danho hã dama 're 'rãi'ré za'ra mono wapsi, te za da te 're 'rãihâri za'ra, buru tede'wai ma. Da te tãma 're uprosi za'ra mono wapsi, te za duré te te 're da'apawa'âbâ, buru tede'wa hã. Romhuri te te 're uprosi za'ra mono wamhã, tãma 're rowẽ za'ra mono di za oto, roptehâri'wa norĩ ma hã. Robzuri'wa norĩ ma zama 're rowẽ za'ra mono di za. Tane wa hã buru tede'wa ne, wa za te tãma 're wa'âbâ za'ra, ĩzadawa wasu'u'wa norĩ ma. Ta norĩ ma zama tãma 're rowẽ za'ra mono di za. E marĩ wa. Te te dama 're ĩzadawa wasu'u za'ra mono ré, da te 're ĩzaze za'ra mono wa. Duré dadâ'â ãna hâiwa ãma 're dasi'ubumroi u'âsi mono wa za, tahawa, tãma 're rowẽ za'ra mono di za.

1 Tesalonita 2:19

Tane tô. Ni'wam norĩ me asõwa're'reb za'ra wa'aba, wasisõpẽtẽ za'ra õ di za, Wanhib'apito Zezusi apâ wei morĩ wamhã. Ni'wam norĩ hã, asõwa're'reb za'ra wa'aba, te te wama 're rowẽ zani za'ra mono õ di za. Wanhib'apito wei morĩ wamhã, ni'wam norĩ hã asõwa're'reb za'ra wa'aba, te te dama wawaihu'u za'ra õ di za, tô sena aima za'ra wa'aba, wa te 're isadawa wasu'u za'ra mono zém na hã.

Apocalipsi 2:7

“A norĩ wa'wa hã asimipari pese aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma si, wa za tãma pisutu za'ra, rob'rãi u'â hã te te 're huri u'âsi mono da. Taha wede hã 'Re ihâimana u'âsi mono 're isãmra u'âsi mono zéb ãma te 're sa, rowẽ uptabi ãma hã, i'rã hã da te 're huri mono wa, dadâ'â ãna 're idanomro u'âsi mono zé hã. Ãne Ĩmama pẽ'ẽzani te te irotizé hã.”