Provébiu 11:23 - ꞌRe Ihâimana Uꞌâsi Mono Zadawa Wasuꞌu

²³ I'uwaibaba na si 're ihâimana za'ra mono norĩ uburé marĩ te te sima 're iwẽ za'ra mono hã te za rowẽ hã te te dama 're sani za'ra. Tane nherẽ, iwasété norĩ hã marĩ zô 're isimipari za'ra mono zé hã te za danhiti'ru si te te sima ãma 're sani za'ra.

Provébiu 11:23 ပူးပေါင်းရင်းမြစ်များ

Salmu 10:17

Uburé Danhib'apito, a hã te za da te ãma 're iro'wa'rutu za'ra mono norĩ mreme hã 're i'awapari mo. Te za duré ipẽ'ẽ nhiptetezé hã tãma 're i'anhomri mo.

Salmu 119:10

Wa hã wa ĩpẽ'ẽ na niha na ai'ãma si 're ĩmorĩ da hã ĩsima te 're rosa'rata. Ma'ãpé tahawa, ĩwi sawi na, aimreme te rẽme tõ da.

Salmu 119:5

Wa ĩsima wẽ upta, asimiroti te 're iwapari pese mono da si, duré te ãma aima 're i'uwaimrami mono da si.

Provébiu 10:28

Sena na 're ihâimana za'ra mono norĩ hã iwẽ uptabi zô 're isimipari za'ra mono zéb zarina te za robzei uptabi hã te te sima 're sani za'ra. Tane nherẽ, iwasété norĩ hã te te sima 're irowa'õtõ za'ra mono zé hã marĩ hã te te sima ãma 're sani za'ra mono dai õ di.

Provébiu 11:24

Ni'wam norĩ tinhimarĩ na dama ãma 're sõprub za'ra mono wamhã, te za iwa'rãmimhã isimarĩ hã te te tãma sina 're hâimo u'âsi za'ra. Tane nherẽ, ni'wam norĩ, marĩ we te te sima 're itété za'ra mono hã te za iwa'rãmimhã te te tiwi sina 're ti'awi za'ra za, we tiwi 're isi'utõrĩ za'ra mono zéb u.

Provébiu 11:7

Ni'wa hã iwasédé 're ihâimana mono hã oto dâ'â wamhã, te za rowẽ zô 're isimipari mono zé hã isiré ai'utõ. Marĩ dai õ di oto tawamhã.

Provébiu 12:5

Sena na 're ihâimana za'ra mono norĩ nhimirowa'õno hã i'uwaibaba na si te 're hâimana. Tane nherẽ, iwasété norĩ nhimiroti hã da'rãiwamnarĩ da si te 're hâimana.

Provébiu 13:2

Ni'wa hã timreme wẽ zarina, te za iwẽ hã te te sima 're azani. Tane nherẽ, senai'õ na 're ihâimana za'ra mono norĩ hã te te dama 're irob'manharĩ wasété za'ra mono da si, tãma iwẽ hã.

Mateu 5:6

— Duré, ni'wam norĩ hã 'Re ihâimana u'âsi mono te te sima 're iwẽ za'ra mono zéb uwaibaba, uburé marĩ iwẽ hã te te tãma 're i'manharĩ za'ra mono da si, te te sima 're wẽ za'ra mono wamhã, ta norĩ ma si, tãma 're rowẽ za'ẽtẽ za'ra mono di za. Ta norĩ ma si, te za 'Re ihâimana u'âsi mono hã te te tãma ãma 're a'uwaimrami, rowẽ te te tãma 're i'apisutu mono zém na hã.

Hebreu 10:27

Ta norĩ hã 'Re ihâimana u'âsi mono zada, 're hâimana za'ra mono wa, te za 'Re ihâimana u'âsi mono hã uprosi unhama ro'o za'ẽtẽ na, te te siwi 're iwẽ'õ pese za'ra mono norĩ hã. Tahawa, te za ta norĩ hã sina pahi na sina 're simipari za'ra oto.