Provébiu 11:21 - ꞌRe Ihâimana Uꞌâsi Mono Zadawa Wasuꞌu

²¹ Tô sena wa waihu'u: Iwasété ma, te za tô rob'manharĩ wasété zé hã tãma 're hâimana za'ra. Tane nherẽ, wẽ na 're ihâimana za'ra mono norĩ si te za ti'ahârizé wi hã 're sisani za'ra.

Provébiu 11:21 ပူးပေါင်းရင်းမြစ်များ

Provébiu 11:20

Uburé Danhib'apito ma hã, ipẽ'ẽ 're wasété na 're ihâimana za'ra mono norĩ hã tãma 'ru za'ra di. Tane nherẽ, i'uwaibaba na si 're ihâimana za'ra mono norĩ ma hã, 're to za'ẽtẽ uptabi mono di.

Provébiu 11:22

Pi'õ, dama 'madâ'â ze nherẽ, simiza'rese ãna 're hâimana mono wamhã, aiwa ẽtẽ waipo pré oru 'manharĩ na danhiptõmohi wasisizém ne uhâbâ nhisi're za'ruzé isisi're ãma 're isimnhatã mono ne hã te 're hâimana.

Provébiu 12:21

Ropire hã i'uwaibaba na si 're ihâimana za'ra mono norĩ zô, 're iwairébé mono da hã, mare di. Tane nherẽ, wasété na 're ihâimana za'ra mono norĩ si te ropire hã te te 're sõpẽtẽ u'âsi za'ra.

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 16:5

Uburé Danhib'apito ma, 'râwi tipẽ'ẽ na 're isi'madâ'â ze za'ra mono norĩ hã tãma 'ru ti. Tahawa te te tãma irob'manharĩ za'ẽtẽ za'ra zé wi hã tô sena tiwi simani waihu'u za'ra õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:39

Ãne ma tô aima ropisutu siromo za'ra wa'wa, te te aima 're sõmri za'ra wa'aba mono da, asihudu norĩ ma zama. Wasiré'õ norĩ ma zama ma tô tãma ropisutu siromo za'ra. Wanhib'apito, 'Re ihâimana u'âsi mono, za sitẽme sô 're ihârâ za'ra mono norĩ ma, ma tô ropisutu siromo za'ra, Tipẽ'ẽzani na hã.