Provébiu 11:19 - ꞌRe Ihâimana Uꞌâsi Mono Zadawa Wasuꞌu

¹⁹ Ni'wa iwẽ na si 're hâimana mono wamhã, te za rowẽ na hã 're hâimana u'âsi. Tane nherẽ, marĩ iwasété si ni'wa te te 're i'manharĩ mono zô si, 're ne mono wamhã, te za tidâ'âzéb u oto 're si'ãwisi.

Provébiu 11:19 ပူးပေါင်းရင်းမြစ်များ

Provébiu 10:16

Sena na iwẽ na si 're idahâimana za'ra mono zé pawa'â hã, rowẽ na 're idahâimana hâ za'ra mono zé, te wasu'u. Tane nherẽ, dawasété na si 're idanomro mono zé wa'â hã dawasédé da te dasima ãma 're ihâimo za'ra mono zép si, te wasu'u.

Provébiu 11:4

'Re ihâimana u'âsi mono, niha na te te dama i'arowairébézé bâtâ 'remhã, danhimarĩ hã marĩ dai õ di. Tane nherẽ, i'uwaibaba na si 're idahâimana za'ra mono zép si te za 're idadâ'â za'ra mono zé wi te te 're da'azani.

Provébiu 12:28

Sena na iwẽ na si 're idahâimana za'ra mono zé hã, rowẽ na 're idahâimana u'âsi za'ra mono zé, te wasu'u. Taha si te za 're idadâ'â za'ra mono zé wi, te te 're da'anhimro.

Provébiu 19:23

Ni'wa, Uburé Danhib'apito te te 're wazé mono wamhã, te za rowẽ na si 're hâimana hâ pese, sima iwẽ na.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Provébiu 21:21

Ni'wa isimizawi pe sena na 're ihâimana mono, te za 're ihâimana hâ mono zé hã duré da te dasiwi 're iwazé pese mono zé hã, duré i'uwaibaba na si da te tãma 're irowairébé mono zé hã sina uwaimra.

Provébiu 8:36

Tane nherẽ, ni'wam norĩ hã ĩwi sina 're ipahâ za'ra mono hã te za 'râwi 're siwamnarĩ za'ra. Uburé ĩzada 're isiti'rui wairébé mono hã te tidâ'âzép si hã te te sima 're sawi za'ra.”

Roma 6:23

Dawasété na si 're idanomro mono zé wa'rãmi, te za dadâ'â u'âsi ne 're dahâimana za'ra dapẽ'ẽ 're, 'Re ihâimana u'âsi mono nhiti. Wanhib'apito Cristu Zezusihi ãma si 're danomro mono wapsi, te za 'Re ihâimana u'âsi mono hã sõpru wa, te te dama 're apisutu, i'rata 're idahâimana u'âsi za'ra mono zéb da hã, asa tãma 're idasiwa'âbâ za'ra mono zéb zô, sina 're simnhasi mono ãna.

Tiagu 1:15

Tawamhã dawasété na da te dasima ãma 're rosa'rata wasété za'ra mono wamhã, dawasédé hã dasi'uihâ na te za da te 're 'manharĩ za'ra. Tawamhã õne u'âsi 're danomro mono wamhã, te za 'Re ihâimana u'âsi mono nhiti 're dahâimana u'âsi za'ra, rowẽ isi'utõrĩ'õ nhiti.

1 Zuwã 3:10

E niha wa za bété waihu'u za'ra ni, 'Re ihâimana u'âsi mono 'ra norĩ hã, duré Wa'uburé 'ra norĩ hã. Ni'wam norĩ hã 're hâimana wẽ za'ra mono õ wamhã, duré te te 're dazawi pese za'ra mono õ wamhã, ta norĩ hã 'Re ihâimana u'âsi mono 'ra, 're nomro mono õ di za. Ãne na wa za ta norĩ hã Wa'uburé 'ra na wa te 're waihu'u za'ra.

1 Zuwã 3:7

Ĩ'ra norĩ, dahâimana wasété na 're idanomro mono na, da'ãma 're sasõmri za'ra wa'aba mono õ di za, danhimiroti senai'õ na dama 're ihâimana za'ra mono na zama. Ma'ãpé 'râwi asina 're asõpré pese aba mono. Ni'wam norĩ hã 're nomro wẽ mono wamhã, 'Re ihâimana u'âsi mono nhimiroti na sima ãma 're sipa za'ra mono õ wamhã, ta norĩ si hã 're hâimana wẽ za'ra mono di, Cristu hã 're imorĩ ne.