Provébiu 11:16 - ꞌRe Ihâimana Uꞌâsi Mono Zadawa Wasuꞌu

¹⁶ Pi'õ iwẽ na 're ihâimana mono hã te za da te 're iwazé mono zé hã te te sina 're uwaimrami. Tane nherẽ, aibâ iwasété norĩ hã te za tinhimarĩ pese si te te sina 're uwaimrami za'ra.

Provébiu 11:16 ပူးပေါင်းရင်းမြစ်များ

Provébiu 31:28

I'ra norĩ te te duré siwi 're wasu'u wẽ, dama hã. Imro zama te duré te te 're wasu'u wẽ, ãne:

Mateu 26:13

Daro mono bâ te za ĩwasu'u wẽ na da te 're dapo're pu'u za'ra. Tawamhã pi'õ hã te te ĩma i'manharĩ wẽ zém na zama, te za tô duré da te dasima 're wasu'u wẽ u'âsi za'ra, ãma 're dasipo're pu'u za'ra mono da. Tô sena, wa ãne aima waihu'u za'ra wa'wa.

Luca 10:42

Marĩ hã misi iwẽ hã asima pisutu õ di. Ta hã ma tô Mariaha si sima pisutu. Tahawa, ni'wa hã iwẽ hã te te tiwi âri õ di za, te te iwaparizé hã.

Luca 8:3

Duré, Zuãna na pi'õ nhisi hã. Cuzaha mro hã, apito Erodihi ma romhuri'wai mro hã. Duré, Suzana na pi'õ nhisi hã. Aimawi norĩ hã te duré isiré 're nomro, pi'õ norĩ hã, ahâ na. Ta norĩ hã tinhimarĩ na, te Zezusi norĩ hã te te 're pawaptob za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:39

Tawamhã Pedru te sima wẽ, ime morĩ zahuré da. Tawamhã tamomo wisi wi, ma tô siwi saprõ hâimo, 'ri 're wa'wa u. Tame, uburé pi'õi mrotõ norĩ hã ma tô siwi uirĩ Pedru hã, siwa'õ za'ra sina. 'Ru'ru sina, te nasi zazahâ hã tãma wẽ za'ra, te te 'madâ'â za'ra da, hâiba ré Docasi te te dama 're i'ab'manharĩ mono hã.

Roma 16:6

Duré Maria hã asiwi ĩma sawi wa'aba. Ta hã te te aima 're romhuri pese za'ra wa'wa, simi'ẽi uptabi na.

2 Zuwã 1:1

Wa hã, Wanhib'apito zazei'wa norĩ 'madâ'â'wa, wa ãma aima rob'ui'éré za'ra wa'wa, tinhib'a'uwẽ da, 'Re ihâimana u'âsi mono te te 're i'aipisutu za'ra wa'aba mono norĩ ma. Tame te asiré isazei'wa norĩ me hã, 're asi'rã'õtõ u'âsi aba mo. Pi'õ norĩ hã ti'ra te te 're i'madâ'â pese za'ra mono ne, te 're asi'madâ'â pese za'ra wa'aba mo, isazei'wai mono bâ. Tahawa, sena na hã ĩma asawi pese za'ra wa'aba di. Tane nherẽ, ĩma si asawi za'ra wa'aba õ di. Uburé Zezusihi wasu'uwẽ waihu'u pese 'wa norĩ ma zama, asawi za'ra wa'aba di duré.

1 Samuéu 25:40

Tawamhã tãma romhuri'wa norĩ hã ma tô ai'aba'ré Carmeru u hã. Tahawa, te ãne tãma rowasu'u za'ra, itẽme sihutu wamhã: — Dawi hã ma tô we asô wazatõrĩ za'ra, wa te wasiwi asaprõni da, ãma aimro da.