Provébiu 11:13 - ꞌRe Ihâimana Uꞌâsi Mono Zadawa Wasuꞌu

¹³ Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tane nherẽ, dama i'umnha hã te za si'rep si te te sima 're tété.

Provébiu 11:13 ပူးပေါင်းရင်းမြစ်များ

Provébiu 10:19

Ni'wa hã te te 're robzanhamri hâ mono wamhã, te za tiwasédé te te 're i'manharĩ mono zéb u hã 'râwi pesere oto 're hâimana. Tane nherẽ, ni'wa hã niha na 'râwi timreme na 're si'madâ'â mono wamhã, te za ta hã 'rãi waihu'u wẽ ré 're hâimana.

Provébiu 11:12

Ni'wa isimiza'rese'õ te za iwaptoma 're ihâimana mono ãma 're to, timreme wasété na. Isimiza'rese si te za mreme wasété tõ da hã siwi 're pẽ'ẽ hâ, te te nharĩ tõ da hã.

Provébiu 12:23

Isimiza'rese wẽ norĩ hã mreme wadi õ di, tinhimirowaihu'u na hã. Tane nherẽ, simiza'rese ãna 're ihâimana za'ra mono norĩ hã te za simiza'rese ãna niha na tihâimanazé hã te te dama 're hâi'ré za'ra.

Provébiu 14:5

Sena na dama dawasu'u hã dazadawa nhipese na hãi õ di. Tane nherẽ, senai'õ na dama dawasu'u hã te dazadawa nhipese na hã da te 're nhipti ahâ za'ra.

Provébiu 19:11

I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 20:19

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 25:9

Aiwapto ma 're isãmra mono me si marĩ na 'râwi asima rowairébé aba. Tane nherẽ, marĩ dama iwaihu'u'õ te te aima iwasu'uzé hã dama hâi'ré õ di za.

1 Timotiu 5:13

Duré pi'õi mrotõ hâiba tém norĩ nhisi na ihi norĩ nhisi zu, 're rob'ui'éré za'ra mono wamhã, ãté dawaptom na te za dama 're wa'a za'ra. Ãté sihâiwi na te za 'ri babap si oto 're nomro, mro õ wẽ te. Ãté marĩ te te wapari wamhã, te za te te dama 're rowasu'u za'ra. Ãté aimawi timreme na te za te te dawi ãma 're ro'wa'rutu za'ra. Ãté marĩ taré te te 're wapari za'ra mono ãna, te za te te dama 're rowasu'u za'ra.

Zozué 2:14

Tawamhã aibâ norĩ ma tô ãma tãma wa'rãmi zahuré, ãne: — Wa za tô ropisutu ni aima. Tawamhã wamreme wa te wasina uwaimrami õ wamhã, tô i'uwaibaba na hã wa aré tô wa norĩ si wadâ'â ni. A hã aré i'atâ'â da hã mare di. Tawamhã a hã ãme wa te i'manharĩzé hã ni'wai ma wasu'u õ wamhã, aima wanhimiropisutuzé hã i'uwaibaba wa za tô wasina uwaimrami ni. Uburé Danhib'apito, apto'o ré ã hã ti'a te te wama sõmri za'ra wamhã, tawamhã iwẽ na hã wa za aima wasihâi'ré ni, sena na wa te aima inharĩ na hã.

Zozué 2:20

Wa te i'manharĩzé dama wasu'u wamhã, wa te ãma uwaimrami da hãi õ di, wanhimiropisutuzé wawi iwaptẽrẽ hã.