Provébiu 11:10 - ꞌRe Ihâimana Uꞌâsi Mono Zadawa Wasuꞌu

¹⁰ Sena na 're ihâimana za'ra mono norĩ ma, iwẽ si tãma 're hâimana za'ra mono wamhã, te za 'ri nho'õmo 're, 're idahâimana za'ra mono norĩ hã da te ãma dasima 're rowẽ za'ra. Tane nherẽ, iwasété norĩ 're dâ'â za'ra mono wamhã, te za rowẽ te hã 're dazadari za'ra.

Provébiu 11:10 ပူးပေါင်းရင်းမြစ်များ

Ezodu 15:21

Ãne Miriã, te tawamhã tãma tinho're za'ra: Uburé Danhib'apito ma, te za tãma 're asõ're u'âsi za'ra wa'aba mo, aipẽ'ẽ 're ãma 're aiwata za'ra wa'aba mono sina. E tihai wa. Õ hã iwẽ uptabi na hã te te da'ãma ai'uté wa; Õ hã ma tô awaru hã, duré awaru na isi'wapéi'wa norĩ hã, â wa'wa u sãmra.

Provébiu 11:11

Sena na 're ihâimana za'ra mono norĩ hã iwẽ na 'ri nho'u te te 're pawaptob za'ra mono wamhã, te za dama 'madâ'â pire na 're hâimana, 'ri nho'u hã. Tane nherẽ, iwasété norĩ mreme si te za te te dawi 're uprosi, 'ri ahâ nho'u hã.

Provébiu 28:12

Iwẽ norĩ hã tipire na tihâimanazé te te oto sina sõ'õtõ wamhã, uburé te za dasima romhu'u za'ra ni isabâdâ. Tane nherẽ, iwasété norĩ ipire na ihâimanazéb u oto waptã'ã wamhã, te za dapahi te tãma aima'uri za'ra ni.

Provébiu 28:28

Iwasété norĩ ipire na ihâimanazéb u oto sarõtõ wamhã, te za dapahi te hã tãma aima'uri za'ra ni. Duré nimahã na apâ te te sina 're ti'awi za'ra mono wamhã, te za sena na 're idahâimana za'ra mono 'rã hã te te sina 're hâimo, iwa'rãmimhã.

Provébiu 29:2

Sena na i'uwaibaba na si 're ihâimana za'ra mono norĩ, 're si'i'rãnho'õmo za'ra mono wamhã, te za da te ãma dasima 're rowẽ za'ra. Tane nherẽ, iwasété norĩ 're si'i'rãnho'õmo za'ra mono wamhã, te za iwẽ'õ te 're dasiwapsari za'ra.

Zuize 5:31

Uburé Danhib'apito, uburé asitob'ru norĩ si'utõrĩ. Tane nherẽ, asiwaihu'u norĩ te te 're irowa'a pese za'ra mono da si iwẽ hã, bâdâ 're pusi mono wi ro'o nhiptete na te te 're irob'uiwẽ mono ne hã! Tawamhã ti'ai wa'õtõ nho'õmo 'remhã 40 na wahum na, rowẽ na si ma tô oto 're romhâimana.