Provébiu 10:9 - ꞌRe Ihâimana Uꞌâsi Mono Zadawa Wasuꞌu

⁹ Sena na 're ihâimana za'ra mono norĩ hã te za sima iwẽ na to sina 're nomro. Tane nherẽ, senai õ na 're ihâimana za'ra mono norĩ hã te za da te dasiwi 're upsibi nhamra.

Provébiu 10:9 ပူးပေါင်းရင်းမြစ်များ

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Salmu 23:4

Wa hã ẽtẽ nhi'riti 're romharé na robra uptabi na 're ĩne mono nherẽ, marĩ ma, ĩpahi waihu'u õ di, Uburé Danhib'apito a hã ĩsiré 're aimorĩ wa. Robzahi wi, asiwazusizé hã te duré ĩ'wawimhã 're simapa.

Provébiu 17:20

Ni'wa ipẽ'ẽ 're wasété na 're ihâimana mono hã marĩ iwẽ zô 're isimipari mono da hã mare di. Duré isadawa nhipe hã te za ropipa si te te sina 're a'uwaimrami.

Provébiu 26:26

Da'ruiwapari na sima'uri sina dawi 're hâimana mono da nherẽ, te za uburé dasiwi da te 're upsibi nhamra, tiwasédé te te 're i'manharĩ mono zém na hã.

Provébiu 28:1

Iwasédé hã te za wara, simani da, ni'wa hã isarina wara õ nherẽ. Tane nherẽ, sena na 're ihâimana mono hã te sib'ru na 're hâimana u'âsi, hu'u zérépa ne hã.

Provébiu 28:18

Ni'wa sena na 're ihâimana mono hã te za sima iwẽ na 'madâ'â ré na 're hâimana. Tane nherẽ, ni'wa senai õ na 're ihâimana mono hã te za waptu na waptãrã.

Provébiu 3:23

Tahawa, ai'marõwĩrĩ ãna te za ate bâdâdi iwẽ na si 're ane mo.

Mateu 10:26

— Tahawa, dama 're aipahi za'ra wa'aba mono õ di za. Uburé marĩ hã upsibi na 're ihâimana za'ra mono hã zahadu wapsi te za suwa nhamra ni. Duré uburé marĩ hã pi'uriwi 're ihâimana za'ra mono hã te za niwapsi waihu'u za'ra ni.

1 Corĩtu 4:5

Tahawa, asiwi 're dawẽ'õ za'ra wa'aba mono õ di za, zahadu bâdâ hã wisi õ nherẽ. Wanhib'apito uburé za te te ida'awaihu'uzé wana, asiwi ĩwaihu'u aba zarina, asiwi ĩwẽ'õ za'ra wa'aba da, asima ĩ'ãma 're rosa'rata za'ra wa'aba mono õ di za, Wanhib'apito apâ wei morĩ õ ré hã. Ni'wam norĩ zama asiwi iwaihu'u aba zéb zarina, asiwi wẽ'õ za'ra wa'aba da, asima ãma 're rosa'rata za'ra wa'aba mono õ di za, bâtâ na Wanhib'apito za da'ãma isipo'ozé wana. Taha si te za dawi a'upsibi nhamra oto sõ'awi, uburé dapẽ'ẽ 're, 'râwi da te dasima 're irosa'rata za'ra mono zé hã. Marĩ hã bara na, da te 're 'madâ'â za'ra mono da, da te 're i'uiwẽ za'ra mono ne, te za Wanhib'apito hã sõ'awi oto dawi a'upsibi nhamra, uburé marĩ hã da te 're 'manharĩ za'ra mono da, da te dasima 're iwẽ za'ra mono zém na, danhimirosa'rada hã. Tawapsi te za 'Re ihâimana u'âsi mono hã wasu'u wẽ za'ra ni'wam norĩ hã, ti'ab ré tihâimana wẽ zém na te te tãma ãma 're uwaimrami za'ra mono wa, te te 're i'awaihu'u mono zéb zarina.