Provébiu 10:6 - ꞌRe Ihâimana Uꞌâsi Mono Zadawa Wasuꞌu

⁶ Wẽ na 're ihâimana za'ra mono ma si, te za iwẽ hã da te tãma 're pisutu za'ra. Tane nherẽ, iwasété norĩ te te 're idawamnarĩ za'ra mono da hã te simirosa'rata udâ pese na si 're hâimana za'ra.

Provébiu 10:6 ပူးပေါင်းရင်းမြစ်များ

Provébiu 10:11

Sena na 're ihâimana za'ra mono norĩ mreme hã, rowẽ na 're idahâimana za'ra mono zém na'rata da hã te tô dama 're hâimana. Tane nherẽ, iwasété norĩ te te 're idawamnarĩ za'ra mono da hã te timreme zô simrami pese na hã 're hâimana za'ra.

Provébiu 10:5

I'rã waihu'u wẽ norĩ hã te za amnho itehârizé bâtâ uwaibaba na te te 're roptehâri za'ra. Tane nherẽ, ni'wa roptehârizé bâtâ na 're isõtõ mono hã, te za rowazém na 're ihâimana mono zé hã te te sima 're sani 'râwi.

Provébiu 11:26

Ni'wa hã amnho zub'a trigu wa'â te te sina hâimo da, te te dawi 're itété mono hã te za da te tãma 're nharĩ wasété za'ra, isõti na hã. Tane nherẽ, te te dama 're i'awede su'u mono ãma hã te za ãma 're dawata za'ra, isõprum na hã.

Provébiu 24:25

Tane nherẽ, marĩ na i'upai'wa norĩ ma, i'uwaibaba na niha na te te tãma pisutu za'ra wamhã, te za rowẽzé hã tãma 're hâimana za'ra.

Provébiu 28:20

Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

Provébiu 3:33

Iwasété norĩ nhorõwa 're, 're idahâimana za'ra mono ma hã te Uburé Danhib'apito ropipa hã te te tãma 're apisutu. I'uwaibaba na 're ihâimana za'ra mono nhorõwa 'rep si, te iwẽ hã te te tãma 're apisutu.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.