Provébiu 10:5 - ꞌRe Ihâimana Uꞌâsi Mono Zadawa Wasuꞌu

⁵ I'rã waihu'u wẽ norĩ hã te za amnho itehârizé bâtâ uwaibaba na te te 're roptehâri za'ra. Tane nherẽ, ni'wa roptehârizé bâtâ na 're isõtõ mono hã, te za rowazém na 're ihâimana mono zé hã te te sima 're sani 'râwi.

Provébiu 10:5 ပူးပေါင်းရင်းမြစ်များ

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 10:6

Wẽ na 're ihâimana za'ra mono ma si, te za iwẽ hã da te tãma 're pisutu za'ra. Tane nherẽ, iwasété norĩ te te 're idawamnarĩ za'ra mono da hã te simirosa'rata udâ pese na si 're hâimana za'ra.

Provébiu 12:4

Pi'õ damro hã iwẽ na si 're hâimana mono wamhã, te za imro tãma 're ipẽ'ẽ toi mono zarina ãma 're wata. Tane nherẽ, imro rowazé te te sina tãma 're isani mono hã, aiwa ihi na ihâzé pire te te 're ihi ware mono wam ne hã, te te 're hi uprosi mono wa.

Provébiu 17:2

Pawa'âbâ ãna dama romhuri'wa i'rãiwaihu'u pe hã te za ti'madâ'â'wai 'ra hã sipa, tinhimiwada'uri na, timama ma, te te sina irowazém hiri hã. Taha zarina te za duré imama nhimarĩ zama isisãnawã norĩ siré sima 'mai'â, i'uirĩ na hã.

Provébiu 19:26

Ni'wa timama ma, te te rob'manharĩ wasété wamhã, duré tina 'ri hawi te te wazere wamhã, te za timama norĩ hã ãma sisém nomri zahuré.

Provébiu 27:25

Imorĩ'rata na te za danhimizama sazé hã 're i'anhihâri mo. Tawamhã ta hã apâ i'wanhipré zô 're rob'madâ'â mono ré, te za duré sa'a na du hã 're i'anhihâri mo.

Provébiu 30:25

'rãti norĩ sib'uware na 're hâimana za'ra mono nherẽ, rob'ré na tisazéb da, te te sisa 're irobza'ra mono;

Provébiu 6:6

Aiwa'a za'ra wa'aba norĩ, 'rãti norĩ 're ihâimana za'ra mono zém na rosa'rata za'ra wa'aba, marĩ hã ãma waihu'u za'ra wa'aba da!

Provébiu 6:8

Tane nherẽ, wahum na hã te tisazéb da, te te sima 're 'rã'õtõ za'ra, ubumro siromo sa 're hâimana za'ra mono da, tãi 'rowib da hã.