Provébiu 10:4 - ꞌRe Ihâimana Uꞌâsi Mono Zadawa Wasuꞌu

⁴ Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 10:4 ပူးပေါင်းရင်းမြစ်များ

Zenezi 26:32

Tawamhã tô taha bâtâ na Izaquihi ma romhuri'wa norĩ te te siwi i'ab're wa, ub're nasi ipu ãne te te tãma wasu'u za'ra da hã, ma tô itẽme ai'aba'ré: “Wa te wasiwi i'ab're 'remhã â hã wa tô wasiwi sõpẽtẽ ni!”

Provébiu 10:5

I'rã waihu'u wẽ norĩ hã te za amnho itehârizé bâtâ uwaibaba na te te 're roptehâri za'ra. Tane nherẽ, ni'wa roptehârizé bâtâ na 're isõtõ mono hã, te za rowazém na 're ihâimana mono zé hã te te sima 're sani 'râwi.

Provébiu 11:24

Ni'wam norĩ tinhimarĩ na dama ãma 're sõprub za'ra mono wamhã, te za iwa'rãmimhã isimarĩ hã te te tãma sina 're hâimo u'âsi za'ra. Tane nherẽ, ni'wam norĩ, marĩ we te te sima 're itété za'ra mono hã te za iwa'rãmimhã te te tiwi sina 're ti'awi za'ra za, we tiwi 're isi'utõrĩ za'ra mono zéb u.

Provébiu 12:24

Ni'wa hã tinhiptede te te sima 're 'manharĩ mono wamhã, te za dama i'rãnho'õmo na 're hâimana. Tane nherẽ, iwa'a norĩ hã te za danhib'a'uwẽ na hã te te dama 're romhuri za'ẽtẽ u'âsi za'ra.

Provébiu 12:27

Aba'wa iwa'a hã tinhisõpãrĩ nhi hã te te sima 're isebre za'ra mono da hã mare di. Romhuri pese 'wa norĩ si te za sibro pese na 're hâimana za'ra.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 18:9

Ni'wa isimiromhuri 'wamnha'a hã aiwa dawi marĩ wamnarĩ'wa ne hã te 're hâimana.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 19:24

Sima iwa'a, tizadawa u tisa hã te te sima 're zai waihu'u mono õ di, wa'a uptabi wa.

Provébiu 20:13

Aptâ'â si hã asima 're sawi mono tõ. Ãnei õ wamhã, asimarĩ ãna te za 're aihâimana mo. 'Re atopo'o su'u mono, asa 're romnhimi'wara mono da, asazéb da hã.

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 21:5

Ni'wa atãma na marĩ na te te sima ãma 're irowa'õtõ wẽ mono hã te za marĩ si'utõrĩ ãna sa'ẽtẽ na sa 're simi'wara. Duré ni'wa waptu na sa'ẽtẽ te te sima ãma 're irowa'õtõ mono hã te za marĩ zô tiwi sô 're rowaptâ'â.

Zuwã 6:27

Dasa hã siwamnarĩ su'u di. Tahawa, taha zô si 're romhuri za'ra wa'aba mono õ di za. Dasa ne isi'utõrĩ'õ zô si, te za 're irob'ruiwapari za'ra wa'aba mo, wẽ na 're ihâimana u'âsi mono zô si. Ta hã rowẽ u'âsi dadâ'â ãna 're idahâimana u'âsi za'ra mono zé, te wasu'u. Wa hã ti'ai ãma dasiré ĩpoto wa, ma tô Ĩmama hã ĩpisutu, isadawa para te dama 're anhomri mono da, rowẽ u'âsi 're idahâimana u'âsi za'ra mono zé hã.

1 Corĩtu 15:58

Ĩsisãnawã norĩ, ĩma asawi pese za'ra wa'aba norĩ hã, tahawa, te za asiptete u'âsi Cristuhu ãma si 're anomro aba mo, tiwi 're aipizari za'ra wa'aba mono ãna. Wanhib'apito ma, 're iromhuri za'ra wa'aba mono zé hã taréi õ di. Ãne na asina waihu'u za'ra wa'aba wa, te za tãma 're iromhuri pese u'âsi za'ra wa'aba mo, asimi'ẽ na.