Provébiu 10:3 - ꞌRe Ihâimana Uꞌâsi Mono Zadawa Wasuꞌu

³ Uburé Danhib'apito, wẽ na 're ihâimana za'ra mono norĩ hã, mra te te 're sépata za'ra mono da, te te 're i'a'madâ'â rẽme mono da hã, mare di. Tane nherẽ, te za wasété na 're inomro mono norĩ wi, marĩ te te sima 're iwẽ uptabi za'ra mono hã te te tiwi 're anhito.

Provébiu 10:3 ပူးပေါင်းရင်းမြစ်များ

Salmu 10:14

Tane nherẽ, 'Re ihâimana u'âsi mono, a hã robzépatazé, duré robzei'õzé, 're ab'madâ'â mono wamhã, te õne u'â 're da'apawapto mono da hã asima 're iwẽ mo. Duré ni'wam norĩ, si'wawi 're isimapa waihu'u za'ra mono õ norĩ, te aiwétési te te sina 're ai'umnhasi u'âsi za'ra. Tahawa, marĩ zô tiwi 're iro'wanhi'riti za'ra mono hã te õne u'â 're i'apawaptob u'âsi mo.

Salmu 112:10

Iwasété norĩ, ãne na isimi'manharĩzé te te siwi 're 'madâ'â mono wamhã, te za sada 're siti'ru za'ra. Te za duré 're 'wasitete za'ra. Te za duré 're sihâimanazé uprosi za'ra. Duré marĩ zô te te sima 're irob'ruiwapari za'ra mono zé hã, marĩ dai õ di, tarére.

Provébiu 13:25

Sena na 're ihâimana za'ra mono norĩ hã te tisa hã te te 're 'mahâpãrĩ u'âsi za'ra. Tanei õ di, iwasété na 're ihâimana za'ra mono norĩ hã. Te za mra hã te te 're sépata u'âsi za'ra, ta norĩ hã.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Provébiu 28:25

Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

Provébiu 28:9

'Re ihâimana u'âsi mono, isimiroti te te 're iwapari za'ra mono õ norĩ nhimirowaptẽrẽzé hã te tô te te 're awẽ'õ.