Provébiu 10:25 - ꞌRe Ihâimana Uꞌâsi Mono Zadawa Wasuꞌu

²⁵ Rowa'u isiptede iwatobro ne, ropire hã sô 're wairébé mono wamhã, te za iwasété norĩ hã 're si'utõrĩ. Tane nherẽ, te za sena na iwẽ na 're ihâimana za'ra mono norĩ hã tihâimana u'âsi zém na siptete na te te ãma 're uzusi za'ra.

Provébiu 10:25 ပူးပေါင်းရင်းမြစ်များ

Provébiu 1:27

Rowa'u isiptede te te 're irowapõrĩ mono ne ropipa hã asô 're pusi za'ra wa'aba mono wamhã, wa za ai'ãma 're ĩwa'ẽ za'ra wa'wa. Wa za duré ai'ãma 're ĩsihâ za'ra wa'wa, za 're irobzépata za'ra wa'aba mono zé aima 're hâimana za'ra wa'aba mono wamhã.

Provébiu 10:30

Sena na i'uwaibaba na si 're ihâimana za'ra mono norĩ hã te 'madâ'â pese na hã õne u'â 're hâimana za'ra. Tane nherẽ, iwasété norĩ hã ti'ai ãma 're hâimana hutu za'ra mono di.

Provébiu 12:3

Ni'wa iwasété si te te 're i'manharĩ mono hã te za sima romnhimimnhasi na si hã 're hâimana. Tane nherẽ, ni'wa sena na 're hâimana mono wamhã, da te irési da hã mare di, wede isari tede, rowa'u te te 're isa'o'o waihu'u mono õ ne.

Provébiu 12:7

Iwasété norĩ 're si'utõrĩ mono wa, te za oto sô 're robaba za'ra. Tane nherẽ, sena na i'uwaibaba na si 're ihâimana za'ra mono nhorõwa si te za uburé marĩ da hã siptete na 're simasab u'âsi.

Mateu 16:18

Pedru, ãne wa za aima waihu'u. Ẽtẽ na, wa ai'ãma simiré'é. Ni'wa hã ẽtẽ nhisiwi te za 'ri na'rada hã 'manha, 'ri hã siptete na tãma 're sa mono da. Õne na 'Re ihâimana u'âsi mono te te ĩpisutu na, ma tô a hã ĩwaihu'u na'ra. Tahawa, ni'wa hã ẽtẽ nhisiwi te te i'ri ne, te za oto ĩwaihu'u na'rata zém hawim na ĩwaihu'u za'ra ni, za da te 're ĩzaze za'ra mono norĩ hã. 'Re idadâ'â za'ra mono zé hã dama siptete nherẽ, duré dama pire nherẽ, ĩzazei'wa norĩ ãma hã te te ai'uté waihu'u za'ra õ di za.

Éfézu 2:20

Ẽtẽ 'manharĩ na wa za 'ri na ai'ãma simiré'é za'ra wa'wa. Ẽtẽ na'rata nhisiwi, da te dasiwi 're i'ri za'ra mono ne, ma tô Cristuhu wasu'uwẽ na te te 're aipawaptom na'rata za'ra wa'wa, isadawa wasu'u'wa norĩ hã. Duré Wamama pẽ'ẽzani, marĩ hã te te tãma iwaihu'u za'ra zéb zarina, duréihã 'Re ihâimana u'âsi mono te te dama 're isadawa wasu'u za'ra mono norĩ zama ma tô te te 're aipawaptob za'ra wa'wa. 'Ri uparizéb da, 'ri na'rata wẽ'ẽzéb ãma, ẽtẽ tõmo hâpâ wawẽ na, wa za Zezu Cristuhu ãma simiré'é, wapawapto uptabi 'wa wama 're hâimana za'ra mono wa, ta hã.

1 Timotiu 6:19

Ãne wamhã, ite uptabi da hã te za marĩ hã iwẽ hã sô 're simi'wara u'âsi za'ra, niwa apto'o ré wab da hã. Duré rowẽ u'âsi te za ta norĩ hã 're hâimana u'âsi za'ra, hâiwa ãma.

2 Timotiu 2:19

Tane nherẽ, ẽtẽ 'manharĩ na 'ri na'rada hã, siptete na 're ihâimana mono ne, te za 'Re ihâimana u'âsi mono nhimiroti hã pire na 're hâimana u'âsi. Ãne isimiroti na rob'ui'éré hã: “Wanhib'apito hã te za tinhib'a'uwẽ norĩ hã tite na te te 're awaihu'u.” Ãne duré ãma irob'ui'éré hâiba amo hã: “Ni'wam norĩ hã Wanhib'apito nhib'a'uwẽ na dama 're siwasu'u za'ra mono wamhã, te za tiwasédé hã rẽme pese za'ra, 're nomro wẽ mono da oto.” Ãne isimiroti na rob'ui'éré hã.