Provébiu 10:21 - ꞌRe Ihâimana Uꞌâsi Mono Zadawa Wasuꞌu

²¹ Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 10:21 ပူးပေါင်းရင်းမြစ်များ

Provébiu 1:29

A norĩ wa'wa hã rowaihu iwẽ hã asima 're wẽ za'ra wa'aba mono õ wa, te õne u'â 'Re ihâimana u'âsi mono, Danhib'apito wazébzé hã asiwi 're iwẽ'õ za'ra wa'aba mo.

Provébiu 1:31

Tahawa, marĩ 're i'manharĩ za'ra wa'aba mono zéb zarina te za tô iwasété na si 're asaihuri aba mo.

Provébiu 1:32

Isimiza'rese'õ norĩ hã te za 're dâ'â za'ra, rowaihu iwẽ hã te te siwi 're wẽ'õ za'ra mono wa. Duré ta norĩ hã rowaihu iwẽ zô 're isi'wapé za'ra mono õ norĩ hã te za 'râwi 're si'uprosi.

Provébiu 10:11

Sena na 're ihâimana za'ra mono norĩ mreme hã, rowẽ na 're idahâimana za'ra mono zém na'rata da hã te tô dama 're hâimana. Tane nherẽ, iwasété norĩ te te 're idawamnarĩ za'ra mono da hã te timreme zô simrami pese na hã 're hâimana za'ra.

Provébiu 12:18

Dasi'aba'ré na damreme zani hã aiwa, sib'ézé 'wa pa 'wa 'rãsutu ne hã te 're hâimana za'ra. Tane nherẽ, i'rãi waihu'u wẽ norĩ mreme hã te te 're da'a'rãzéptâ'â waihu'u pese mono di.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 5:12

Tawamhã te za asima inha, ãne: — Iwẽ na da te ĩma 're iroti mono zé hã ĩma 're wapari 'rui mono di! Duré niwamhã danhimiroti wẽ, te ĩsina hã 're sazei waihu'u mono õ di.

Provébiu 5:2

Ãne wamhã, te za niha na hã 're i'aihâimana mono zéb da hã iwaihu. Te za duré marĩ na 're irobzanhamri wẽ mono zarina asimiza'rese wẽ hã te te 're aihâi'ré.

Provébiu 5:23

Te za tô 're dâ'â za'ra, marĩ 'manharĩ wi hã si'wawi 're simi'rãmi waihu'u za'ra mono õ wa. Tahawa, te za siwa'ru hã 're nomro, tinhimiza'rese'õ zarina.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Mateu 12:35

Ni'wa hã 're morĩ wẽ wamhã, tipẽ'ẽ 're tinhimirosa'rata wẽ hawim na te za 're mreme wẽ u'âsi. Duré ni'wa hã 're morĩ wasété wamhã, tinhimirosa'rata wasété hawim na te za duré 're mreme wasété u'âsi.

Mateu 13:19

Amnho hã aibâ te te i'anhamra mono hã, 'Re ihâimana u'âsi mono zadawa wasu'u, te wasu'u. Ni'wam norĩ hã 'Re ihâimana u'âsi mono, da'ãma 're isib'a'uwẽ mono zé wasu'u, tipo're na te te 're wapari za'ra mono nherẽ, te te ãma sima 're rosa'rata ze za'ra mono õ wamhã, te te ãma iwaihu'u pese za'ra da hã mare di za. Ta norĩ hã amnho bâdâdi zababa irere'e mono ne, te 're hâimana za'ra. Amnho hã sire te te i'uprosi mono ne, te za iwasété uptabi hã itẽme 're simasisi za'ra, 'Re ihâimana u'âsi mono zadawa wasu'u hã tipo're na taré te te 're iwapari za'ra mono hã te te tiwi 're awaibui mono da, Wa'uburé hã.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

1 Pedru 5:2

Tahawa, wa za aima waihu'u za'ra wa'wa, 'Re ihâimana u'âsi mono hã tinhib'a'uwẽ te te aima 're ipisutu za'ra wa'aba mono hã ato sina tãma 're pawaptob za'ra wa'aba mono da, tãma 're aiwa'a za'ra wa'aba mono ãna. Ãne da, ma tô sima aiwẽ za'ra wa'wa, Wamama hã. Rob'uiprazéb zô tãma 're dapawaptob za'ra wa'aba mono õ di za. Tô sena asima 're iwẽ uptabi za'ra wa'aba mono zéb zarina si, te za tãma 're idapawaptob za'ra wa'aba mo.