Provébiu 10:2 - ꞌRe Ihâimana Uꞌâsi Mono Zadawa Wasuꞌu

² Senai õ na 're idahâimana za'ra mono zarina, 're idasisimarĩ pese za'ra mono hã taré uptabi, marĩ dai õ di. Tane nherẽ, sena na 're idahâimana za'ra mono na hã te za dadâ'âzé wi ãma 're dasisani za'ra.

Provébiu 10:2 ပူးပေါင်းရင်းမြစ်များ

Provébiu 11:4

'Re ihâimana u'âsi mono, niha na te te dama i'arowairébézé bâtâ 'remhã, danhimarĩ hã marĩ dai õ di. Tane nherẽ, i'uwaibaba na si 're idahâimana za'ra mono zép si te za 're idadâ'â za'ra mono zé wi te te 're da'azani.

Provébiu 12:28

Sena na iwẽ na si 're idahâimana za'ra mono zé hã, rowẽ na 're idahâimana u'âsi za'ra mono zé, te wasu'u. Taha si te za 're idadâ'â za'ra mono zé wi, te te 're da'anhimro.

Provébiu 13:11

Rob'uiprazé senai'õ na waptu na da te dasima 're isa'ẽtẽ za'ra mono hã te za i'arĩ na dawi sina te te 're ti'awi za'ra. Tane nherẽ, ni'wam norĩ hã atãma na suru nherẽ, te te sima 're ubumroi u'âsi za'ra mono wamhã, te za tãma sina 're hâ'â za'ra.

Provébiu 21:6

Senai õ na dahâimanazéb zarina, marĩ da te dasima 're iwaibui mono hã awa'awi dawi 're isi'utõrĩ za'ra mono, dadâ'â da, 're idasisitob za'ra mono zém ne hã te dama 're hâimana, abaze mramizém ne.

Daniéu 4:27

Tahawa apito, ma'ãpé ĩnhimirotizé hã asina saze na. Duré ma'ãpé rẽme, 're aiwasété mono zé hã, i'uwaibaba si oto marĩ hã 're ab'manharĩ mono da. Duré ma'ãpé sazâri, aiwasédé hã. Duré ma'ãpé isimarĩ'õ norĩ ãma 're aiwamri mono. Ãne wapsi, te za ãté rowẽ na 're i'aihâimana mono zém na hã ãma 're i'uzusi mo.

Roma 2:5

A norĩ wa'wa hã aipẽ'ẽ tete u'âsi, te 're aihâimana za'ra wa'aba mo. Tahawa, 'Re ihâimana u'âsi mono hã te za ropsi'utõrĩzéb u hã nimahã na bâdâ hã iwa iwaptã'ãzéb ãma, dazu aihâ za'ra wa'wa, dawasété wa, za te te ida'awẽ'õzéb ãma hã. Tame te za oto tinhimihâzé hã dama ãma uwaimra, i'uwaibaba si.

Roma 5:21

Ãne na rowasu'u na, wa za oto aima 'rãsutu za'ra wa'wa. Dawasété na si 're danomro u'âsi mono wa, ma tô aré dapẽ'ẽ 'remhã, dadâ'â ne 're dahâimana u'âsi za'ra, 'Re ihâimana u'âsi mono nhiti. Tane nherẽ, tinhimizawi pese zéb zarina, ma tô 'Re ihâimana u'âsi mono hã Wanhib'apito Zezu Cristu dâ'âzéb zarina te te sima 're wa'awẽ, taha zarina si rowẽ uptabi na 're wanomro u'âsi mono da oto.

Filipu 3:9

Misi haré Cristuhu ãma si oto 're ĩhâimana mono da, wa tô ĩhâimanazéb 'rada hã 'râwi ĩsiwi wẽ'õ pese. 'Re ihâimana u'âsi mono nhimiroti na Mozési te te ãma irob'ui'éré hã, ĩsi'uihâ na te 're i'madâ'â pese mono na 'Re ihâimana u'âsi mono te te ĩwẽsãmri da, ĩsina 're ĩnhimipari mono õ di oto. Cristu hã te ĩsina 're i'umnhasi mono zéb zarina si, 'Re ihâimana u'âsi mono te te ĩwẽsãmrizéb ré si, wa oto 're ĩhâimana, taha si te te ĩpisutu wa oto.