Provébiu 10:14 - ꞌRe Ihâimana Uꞌâsi Mono Zadawa Wasuꞌu

¹⁴ Rowaihu'u wẽ na 're ihâimana za'ra mono norĩ hã te za uburé tinhimiza're wẽ hã te te sima ãma 're hâimo za'ra. Tane nherẽ, isimiza'rese'õ hã 're mreme zusi mono wamhã, te za ropire hã sisada te te 're sani za'ra.

Provébiu 10:14 ပူးပေါင်းရင်းမြစ်များ

Provébiu 1:5

'Rãi waihu'u wẽ na 're ihâimana za'ra mono zama ã hã rowaihu iwẽ hã te te 're po're 'repu'u za'ra mono wamhã, te za isimirowaihu iwẽ hã te te sina tãma 're hâimo za'ra. Te za duré tinhimirowaihu'uzé iwẽ te te ãma 're iwaihu'u ahâ za'ra mono zé hã te te 're pibui pese za'ra,

Provébiu 10:10

Ni'wa hã sena na niha na 're iromhâimana mono zé hã te te dawi 're tété mono wamhã, te za niha na romhâimanazé hã te te dazada 're azani. Tane nherẽ, ni'wa hã sena na marĩ na te te dama 're arowasu'u mono wamhã, te za te te ãma 're da'apẽ'ẽ nomri.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 12:23

Isimiza'rese wẽ norĩ hã mreme wadi õ di, tinhimirowaihu'u na hã. Tane nherẽ, simiza'rese ãna 're ihâimana za'ra mono norĩ hã te za simiza'rese ãna niha na tihâimanazé hã te te dama 're hâi'ré za'ra.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 17:20

Ni'wa ipẽ'ẽ 're wasété na 're ihâimana mono hã marĩ iwẽ zô 're isimipari mono da hã mare di. Duré isadawa nhipe hã te za ropipa si te te sina 're a'uwaimrami.

Provébiu 18:1

Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 18:15

I'rãiwaihu'u wẽ 're ihâimana mono hã te õne u'â tipẽ'ẽ na marĩ te te 're iwaihu'u mono da hã sô 're si'wapé.

Provébiu 18:7

Isimiza'rese'õ nhimirobzanhamrizéb zarina te za ti'uprosizé hã te te sima ãma 're sani. Duré timreme na te za sisõwada, abaze mramizém na.

Provébiu 19:8

Ni'wa ti'rãi waihu'u wẽ zô sima 're rĩtĩ mono wamhã, te tihâimanazé hã te te sima 're sawi. Duré ni'wa 'rãi waihu'u wẽ na 're hâimana mono wamhã, te za tãma 're irowẽ mono zé hã te te sina 're uwaimrami.

Provébiu 21:23

Ni'wa niha na timreme zani wi 're si'madâ'â pese mono wamhã, te za ropire te te sisô iwazere nhiti hã 're hâimana.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

Mateu 12:35

Ni'wa hã 're morĩ wẽ wamhã, tipẽ'ẽ 're tinhimirosa'rata wẽ hawim na te za 're mreme wẽ u'âsi. Duré ni'wa hã 're morĩ wasété wamhã, tinhimirosa'rata wasété hawim na te za duré 're mreme wasété u'âsi.

Mateu 13:44

Tawamhã ãne te duré tãma rowasu'u za'ra: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Aibâ hã daburu na te te romhuri ré, ma tô ẽtẽ'ubuzi iwa'âbâ za'ẽtẽ uptabi hã 'masã, ti'ai 'rowi ni'wa te te aré dawi isuwa hã. Te te sãmri wamhã, ma tô duré apâ dawi suwa inomrozéb ãma, da te sãmri tõ da. Tawamhã toi uptabi wa, ma tô uburé tinhibro hã dama wede, buru tô õ hã te te dawi uipra da, ẽtẽ'ubuzi, iwa inomro hã te te sima âri da.

Mateu 13:52

Tawamhã ãne te duré tãma rowasu'u za'ra, Zezusi hã: — Wa za duré aima ãma romnhimiré'é za'ra wa'wa, ãne. Ãté 'ri tede'wa te za marĩ iwẽ hã te te 're azani, 'ri 're wa'wa ãma 're iromnhimi'wara mono zém hawi, te te dama 're anhomri mono da. E tawamhã marĩ i'ratare si te za te te dama 're azani. Mare di. Marĩ itéb zama te za duré te te dama 're azani, te te dama 're anhomri mono da. Tane duré, ni'wam norĩ hã 'Re ihâimana u'âsi mono nhimiroti waihu'u pese 'wa norĩ hã da'ãma 're isib'a'uwẽ mono zé wasu'u te te waihu'u pese za'ra wamhã, ta norĩ hã te za isimiroti itéb zama te te dama 're waihu'u za'ra, isimiroti 'rata me.