Provébiu 10:13 - ꞌRe Ihâimana Uꞌâsi Mono Zadawa Wasuꞌu

¹³ I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 10:13 ပူးပေါင်းရင်းမြစ်များ

Salmu 32:9

Awaru hã, duré awaru po're pore, isadai'ré 're, isi'uwazi nhi'oto na si duré iwata wazizém na si, da te 're iwaratu za'ra mono, isimiza'rese'õ ne, tane a hã asimiza'rese ãna 're aihâimana mono tõ.”

Ezodu 10:12

Tawamhã Uburé Danhib'apito te Mozésihi ma tinha ãne: — Ma'ãpé, asib'rada hã Ezitu nhisiwi wẽ na, 'ridi hã we si'réi mono da. Tawamhã ta norĩ hã te za ro'wanhipré uburé te te huri, tã zâ te te i'uprosi si'atarẽme mono hã.

Provébiu 10:21

Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 10:31

Sena na 're ihâimana za'ra mono norĩ hã te rowaihu iwẽ na si te te dama 're waihu'u za'ra. Tane nherẽ, ni'wa hã timreme wasété na si 're mreme mono wamhã, te za da te 're mreme nhihâri.

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 16:21

Ni'wai ma ipẽ'ẽ na rowaihu iwẽ tãma 're ihâimana mono hã ta hã isimirowaihu'u wẽ uptabi. Duré ni'wa timreme wẽ na te te dama 're roti mono wamhã, te za da te ãma 're saze su'u za'ra.

Provébiu 17:10

Ni'wa i'rãi waihu'u wẽ ma, da te pẽtẽ wamhã, te za tihâimana pese zé hã sina uze, te te waihu'u wẽ wa. Tane nherẽ, isimiza'rese'õ hã 100 na da te 're pré'é mono nherẽ, siwaihu'u su'u õ di, tiwasété na hã.

Provébiu 19:29

Da'ãma 're idawa'ẽ za'ra mono norĩ da hã te i'ahârizéb da hã da te sada 're sa'ra za'ra. Duré isimiza'rese'õ norĩ da zama, te za iba wi da te 're ipré'é za'ra mono da hã da te sada 're sa'ra za'ra.

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 26:3

Awaru ahârizéb da, te ihâ nhorõ hã sada 're hâimana za'ra. Duré awaru po're pore da, te isi'uwazi nhi'odo iwata wazizé hã sada 're hâimana za'ra. Tane te wedehu waré hã, hâimana nhimiza'rese ãna 're ihâimana za'ra mono norĩ ba ãma i'ahârizéb da hã, sada 're hâimana za'ra.

Provébiu 27:22

Trigu 'rã hã wa'ĩni na da te 're isu pese za'ra mono ne, isimiza'rese'õ, a hã 're wati mono nherẽ, te za õ hã iwana 're ihâimana mono zém ne tinhimiza'rese õ na hã te te ãma 're uzusi u'âsi.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Provébiu 7:22

Tawamhã si'aba'ré na ma tô oto isarina mo, powawẽ ipãrĩzéb u da te 're isimroi mono ne, duré pozé wedenhorõ nhihâ're uwaibaba 're sisa'rei mono wa, ãma 're isiwaibui mono ne.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.