Provébiu 10:11 - ꞌRe Ihâimana Uꞌâsi Mono Zadawa Wasuꞌu

¹¹ Sena na 're ihâimana za'ra mono norĩ mreme hã, rowẽ na 're idahâimana za'ra mono zém na'rata da hã te tô dama 're hâimana. Tane nherẽ, iwasété norĩ te te 're idawamnarĩ za'ra mono da hã te timreme zô simrami pese na hã 're hâimana za'ra.

Provébiu 10:11 ပူးပေါင်းရင်းမြစ်များ

Provébiu 10:32

Sena na 're ihâimana za'ra mono norĩ ma hã tãma waihu'u pese di, da te 're iwapari ze za'ra mono zém na, te te dama 're inharĩ za'ra mono zé hã. Tane nherẽ, iwasété norĩ ma hã senai'õ na imreme si duré imreme wasété si tãma waihu'u pese di.

Provébiu 10:6

Wẽ na 're ihâimana za'ra mono ma si, te za iwẽ hã da te tãma 're pisutu za'ra. Tane nherẽ, iwasété norĩ te te 're idawamnarĩ za'ra mono da hã te simirosa'rata udâ pese na si 're hâimana za'ra.

Provébiu 13:14

I'rãiwaihu'u wẽ norĩ nhimiroti hã rowẽ na 're idahâimana za'ra mono zém na'rata da hã te dama 're hâimana. Ta hã te za dadâ'â da, 're idasisitob za'ra mono zé wi, te te 're da'apawapto, roti iwẽ hã.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 18:4

Da'rãi waihu'u wẽ zarina, damreme hã aiwa â 'rehâ ne hã te 're hâimana. Duré rowaihu'u pese 'wai mreme hã â 're ipraba u'âsi mono ne, 'ré waihu'u õ di.

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.