Provébiu 10:10 - ꞌRe Ihâimana Uꞌâsi Mono Zadawa Wasuꞌu

¹⁰ Ni'wa hã sena na niha na 're iromhâimana mono zé hã te te dawi 're tété mono wamhã, te za niha na romhâimanazé hã te te dazada 're azani. Tane nherẽ, ni'wa hã sena na marĩ na te te dama 're arowasu'u mono wamhã, te za te te ãma 're da'apẽ'ẽ nomri.

Provébiu 10:10 ပူးပေါင်းရင်းမြစ်များ

Provébiu 10:14

Rowaihu'u wẽ na 're ihâimana za'ra mono norĩ hã te za uburé tinhimiza're wẽ hã te te sima ãma 're hâimo za'ra. Tane nherẽ, isimiza'rese'õ hã 're mreme zusi mono wamhã, te za ropire hã sisada te te 're sani za'ra.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 16:30

Ni'wa hã dama 're tomre mono wamhã, duré dama 're saihâ si'rãmi mono wamhã, marĩ iwasédé te te 're i'ab'manharĩ mono da si, te tô te te sima 're rosa'rata.

Provébiu 18:21

Danhoto na damreme hã siptete di, isiminho'reptu zarina, ãma 're idahâimana za'ra mono zéb da hã. Duré ãma dapãrĩ da hã tô siptete di. Tahawa, damreme zarina te za tô niha hã da te dasima 're sani za'ra, iwẽ hã.

Provébiu 6:13

Te dama 're tomre za'ra, te te 're da'rãiwamnarĩ za'ra mono da hã. Te duré 're sirési za'ra, sadawa nhipese na te te dama 're rowasu'u za'ra mono ré.

3 Zuwã 1:10

Tahawa, atẽme ãma ĩwisi wapsi, wa za isimiromhuri wasété na asiré isazei'wa norĩ hã ãma po're pu'u za'ra, isõ'a. Ta hã te sadawa nhipese na taré te te dama 're wabâsi wasété u'âsi. Tane nherẽ, taha si õ di, tiwasédé te te 're i'manharĩ mono zé hã. Isazei'wa norĩ hã darob amoi hawi itẽme 're sihutu mono wamhã, isõrõwa u itẽme 're isisisi mono da hã, te te 're dawaibui mono õ di. Õne haré te te tãma 're arob'ru. Duré tame isazei'wa norĩ hã 're isi'ubumroi mono norĩ wi, te duré te te 're awẽ'õ, isiré isazei'wa norĩ hã darob amoi hawi itẽme 're sihutu mono wa, sô 're hãsi tõ mono da, isõrõwa u itẽme 're sisisi tõ mono da. Tane nherẽ, isazei'wa norĩ hã te te 're wapari za'ra mono ãna, tisiré isazei'wa norĩ hã tinhorõwa u te te 're 'mazasi za'ra mono wa, te duré õ hã da'mazasi'wa norĩ ma, te te tãma 're arob'ru, tisiré isazei'wa norĩ wi 're wairébé mono da, siré 're hâimana tõ za'ra mono da oto, rowahutuzéb 'remhã.