Provébiu 1:8 - ꞌRe Ihâimana Uꞌâsi Mono Zadawa Wasuꞌu

⁸ Ĩ'ra, aimama, marĩ na te te aima 're iroti mono zé hã ma'ãpé 're wapari pese mono. Duré ana, marĩ na te te aima 're iroti mono zéb zama te za 're iwapari pese mo.

Provébiu 1:8 ပူးပေါင်းရင်းမြစ်များ

Provébiu 1:10

Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 1:15

Ĩ'ra, ã norĩ siré hã 're ane mono tõ. Romhâ na tãma 're asa'o hâ za'ra mono.

Provébiu 2:1

Ĩ'ra, wa hã te aima 're iroti mono zé hã awaihu'u mono. Duré aipẽ'ẽ 'remhã asima tété.

Provébiu 23:22

Aimama hã 're wapari pese mono, õ hã te te tô aipoto wa. Ana zama niwa si'ihi wamhã, 're iwazé mono õ na hã 're aihâimana mono õ di za.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Provébiu 30:17

Ni'wa timama ãma 're wa'ẽi mono wamhã, duré ina si'ihi wa, te te 're wazé mono õ wamhã, te za sipahudu hã siwi ti'rẽ. Niha wamhã, te za duré sitoro corvo na isisi hã siwi tõmo zani.

Provébiu 31:1

à hã, apito Remuwéhé na nhimiroti ipire na ti'ra ma hã ãne na:

Provébiu 5:13

Ĩma roti'wa norĩ hã te 're wapari za'ra mono õ di tô. Ĩnhimipari pese na duré tãma 're ĩhâimana za'ra mono õ di.

Provébiu 6:20

Ĩ'ra, ma'ãpé aimama te te aima 're iroti mono zé hã 're wapari pese mono. Duré ana marĩ na te te ãma aima 're irowasu'u mono zém na hã niwamhã ãma aipo're si'âri tõ.

Provébiu 7:1

Ĩ'ra, marĩ na te aima inharĩ mono zém na hã, aima ĩnhimirotizé mono na hã niwamhã ãma aipo're si'âri tõ.

Mateu 9:2

Tamomo ma tô ni'wam norĩ hã we siwi ti'â, imorĩ'õ hã isimiwaptâ ré. Imorĩ'õ za te te ipesezém na hã ma tô ãma siwi umnhasi, Zezusi hã. Tawamhã Zezusi hã taha na ma tô sina simirosa'rata waihu'u za'ra, aibâ norĩ hã. Tahawa, te imorĩ'õ ma tinha ãne: — Ĩsiwadi, aiwi robzei'õ tõ. Aiwasédé hã 're i'ab'manharĩ wasété mono zé hã te ai'ãma 're ab'madâ'â mono õ di za oto.

Mateu 9:22

Tawamhã pi'õ, i'uza te te upi wamhã, ma tô Zezusi hã sô aipi'ra. Sipi'rai wamhã, ma tô pi'õ hã 'madâ. Ãne te tãma tinha: — Ĩsiwadi, aiwi robzei'õ tõ. Za te i'aipesezém na, ĩ'umnhasi wa, ma tô aihâzé hã aima apa. Tawamhã awa'awi ma tô pi'õ hã séptârâ.

2 Timotiu 1:5

Duré Wanhib'apito zazei'wa na tô sena 're aihâimana mono na, wa ai'ãma po're puru. Ai'rada Loidi norĩ hã ma tô ana me hã Wanhib'apito zazei'wa na 're hâimana zahuré, Eunisihi me. Ta norĩ ne, tô sena Wanhib'apito zazei'wa 're i'aimorĩ na hã, tô ĩma aiwaihu'u pese di.

Ruti 3:6

Tawamhã te nimahã na oto mo, amnho hã da te 're ipré'é za'ra mono zéb u. Wisi wamhã, ma tô uburé marĩ ab'manha, imaprewa te te tãma i'ruzéb zarina.

1 Samuéu 2:25

Ni'wa hã tisiré hâiba amo da, wasété wamhã, te za Uburé Danhib'apito hã mreme wapto. Tane nherẽ, oto ni'wa hã 'Re ihâimana u'âsi mono zada hâimana wamhã, ni'wa te te mreme wapto waihu'u õ di. Tane nherẽ, Erihi 'ra norĩ hã timama te te wapari zahuré õ di. E marĩ wa. Uburé Danhib'apito hã te te ãma sima rowairébé zahuré wa aré, te te ipãrĩ da hã.