Provébiu 1:5 - ꞌRe Ihâimana Uꞌâsi Mono Zadawa Wasuꞌu

⁵ 'Rãi waihu'u wẽ na 're ihâimana za'ra mono zama ã hã rowaihu iwẽ hã te te 're po're 'repu'u za'ra mono wamhã, te za isimirowaihu iwẽ hã te te sina tãma 're hâimo za'ra. Te za duré tinhimirowaihu'uzé iwẽ te te ãma 're iwaihu'u ahâ za'ra mono zé hã te te 're pibui pese za'ra,

Provébiu 1:5 ပူးပေါင်းရင်းမြစ်များ

Provébiu 12:1

Ni'wa hã tihâimanazém na te te upai wa, da te tãma roti wamhã, te za sima wẽ upta, te te iwaihu'u wẽ da si. Simiza'rese ãna 're ihâimana mono si tihâimana pese zé te te sina 're i'uzei mono da hã mare di za. Te za te te sina 're wẽ'õ.

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 18:15

I'rãiwaihu'u wẽ 're ihâimana mono hã te õne u'â tipẽ'ẽ na marĩ te te 're iwaihu'u mono da hã sô 're si'wapé.

Provébiu 19:25

'Râwi 're isi'madâ'â ze za'ra mono ma, te za da te tãma 're rob'manharĩ za'ra, simirosa'rata waihu'u prã na 're ihâimana za'ra mono norĩ hã sina 're iwata za'ra mono õ zé te te ãma 're waihu'u za'ra mono da. Duré ni'wa, i'rãi waihu'u wẽ ma hã da te tãma 're ipẽtẽ mono zarina, te za rowaihu iwẽ na hã te te sima ãma 're sa'ẽtẽ u'âsi.

Provébiu 21:11

Da'ãma 're iwa'ẽ mono ma, da te tãma rob'manharĩ wamhã, te za simirosa'rata prã na 're ihâimana mono hã, ti'rãi waihu'u wẽ zé hã waihu'u. Duré isimiza'rese wẽ ma, da te tãma 're roti mono wamhã, te za rowaihu iwẽ hã te te tãma sina 're hâimo.

Provébiu 8:33

Ma'ãpé aima ĩnhimiroti za'ra wa'aba zé hã wapari pese za'ra wa'aba. Ai'rãi waihu'u wẽ na 're aihâimana za'ra wa'aba mono. Te aima irowaihu'u za'ra wa'aba zé hã asiwi rẽme aba tõ.

Provébiu 9:8

Niwamhã da'ãma 're iwa'ẽi mono ma hã 're pẽtẽ mono tõ. Ãnei õ wamhã, te za asada hã 're sahi. Tane nherẽ, ni'wa i'rãi waihu'u wẽ ma, 're pẽtẽ mono wamhã, te za te te 're aiwazé.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

1 Corĩtu 10:15

A norĩ wa'wa hã te oto asimiza'rese 're aihâimana za'ra wa'aba mo, tô. Tahawa, ãhã na te aima ãma irowasu'u za'ra wa'aba zém na, te za ãma 're irosa'rata pese za'ra wa'aba mo, i'uwaibaba te ãma aima 're i'a'uwaimrami aba mono zô.