Provébiu 1:4 - ꞌRe Ihâimana Uꞌâsi Mono Zadawa Wasuꞌu

⁴ Te za duré ni'wam norĩ hã simirosa'rata waihu'u prã na 're ihâimana za'ra mono hã te te 're pawaptob za'ra, simirowaihu'u wẽ na oto 're hâimana za'ra mono da. Aibâ ipréduptém norĩ hã marĩ i'uwaibaba si te te 're 'manharĩ za'ra mono da hã, te za te te 're pawaptob za'ra.

Provébiu 1:4 ပူးပေါင်းရင်းမြစ်များ

Salmu 119:130

Aimreme na ãma isaprĩzé hã te rowa'a hã te te dama sina 're sani. Te duré 'rãiwaihu'u wẽ ãna 're ihâimana za'ra mono norĩ ma, i'rãnhimiza're hã te te tãma 're sõmri za'ra.

Salmu 119:9

E niha te za wasété ãna iprédupté hâimana wẽ uptabi na hã 're hâimana. Aimreme hã te te 're wapari pese mono wapsi hã, te za tô wasété ãna 're mo.

Salmu 19:7

Uburé Danhib'apito nhimiroti hã wẽ uptabi na te 're hâimana. Te duré wanhiptetezé ité hã te te wama 're anhomri. Tô ibâre isimiroti hã umnhasi na dama 're ihâimana mono zéb zarina, te rowaihu'u prãi'wa norĩ ma, rowaihu iwẽ hã te te tãma 're anhomri.

Salmu 34:11

Ĩsiwaihu ipréduptém norĩ, we ai'aba'réi wa'aba. Ma'ãpé asiwi ĩwapari za'ra wa'aba. Uburé Danhib'apito wazébzém na, wa za ãma aima rowahutu za'ra wa'wa.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 8:12

Wa hã, Rowaihu iwẽ, wa tô 're ĩhâimana, ĩ'rãi waihu'u wẽ siré, duré ĩnhimiza'rese wẽ siré.

Provébiu 8:17

“Ĩzawi pese 'wa norĩ hã ĩma sawi pese di. Ni'wa ĩzô rĩtĩ wamhã, te za ĩnhopẽtẽ.

Provébiu 8:32

“Tahawa, ipréduptém norĩ, asiwi ĩwapari pese aba! Te aima irowasu'u za'ra wa'aba zé 're 'manharĩ za'ra wa'aba mono wamhã, te za rowẽ uptabi na hã 're aihâimana za'ra wa'aba mo.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

2 Timotiu 2:22

Ãne wa, dahâiba téb ré, dawasété zô 're idasiwasutu za'ra mono norĩ ne, 're aihâimana mono õ di za. Te za asina 're irosa'rata u'âsi mo, aihâimana wẽ na 're aihâimana mono da, duré Wanhib'apito umnhasi sina 're aihâimana mono da zama, duré asimizawi pese na 're aihâimana mono da zama, duré rowẽ na si dasiré 're aihâimana mono da zama. Taha da, te za asina 're irosa'rata u'âsi mo, uburé Wanhib'apito zazei'wa norĩ me, hâimana wẽ sina, isimipawaptobzéb zô te te tiwi 're irowaptẽrẽ za'ra mono norĩ me.

Titu 2:6

'Ritéi'wa norĩ ma zama, te za duré 're i'aroti pese mo, sina 're siptete za'ra mono sina, 're nomro wẽ mono da.