Provébiu 1:27 - ꞌRe Ihâimana Uꞌâsi Mono Zadawa Wasuꞌu

²⁷ Rowa'u isiptede te te 're irowapõrĩ mono ne ropipa hã asô 're pusi za'ra wa'aba mono wamhã, wa za ai'ãma 're ĩwa'ẽ za'ra wa'wa. Wa za duré ai'ãma 're ĩsihâ za'ra wa'wa, za 're irobzépata za'ra wa'aba mono zé aima 're hâimana za'ra wa'aba mono wamhã.

Provébiu 1:27 ပူးပေါင်းရင်းမြစ်များ

Roma 2:9

Uburé dawasété si, da te 're i'manharĩ za'ra mono norĩ hã te za te te 're robzépata za'ẽtẽ za'ra, zudeu norĩ hã, duré zudeu'õ norĩ zama.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.