Provébiu 1:22 - ꞌRe Ihâimana Uꞌâsi Mono Zadawa Wasuꞌu

²² — Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 1:22 ပူးပေါင်းရင်းမြစ်များ

Salmu 1:1

Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

Salmu 94:8

Isimiza'rese'õ norĩ, asima sô asõpré wa'aba, marĩ waihu'u za'ra wa'aba da hã! E niwa te za asimiza'rese na 're i'aihâimana za'ra wa'aba mono zéb da hã asima iwaihu'u za'ra wa'wa.

Ezodu 10:3

Tawamhã Mozési norĩ, Arãhã me, Ezitu te apito u neb zahuré wamhã, ma tô ãne tãma rowasu'u zahuré: — Uburé Danhib'apito, hebreu norĩ te 'Re ihâimana u'âsi mono, te we ãne aima tinha: “E momo te za aiwapu na aihâimana da, asima iwẽ'õzé aihâimana na ãma i'uzusi mono zé ĩnho'remhã ti'rãsutu. E niwa te za ĩma aiwairo. Tahawa te za oto ãhã na ĩnhib'a'uwẽ norĩ ma iwaprosi za'ra, ate ti'ai wa'õtõ nho'õmo hawi wairébé da, ĩ'ãma si oto 're wata za'ra mono hâ.

Ezodu 16:28

Tahawa, Uburé Danhib'apito te Mozésihi ma tinha ãne: — E momo te za ĩnhimirowaihu'u na, duré ĩnhimiroti na ĩwapari za'ra wa'aba õ zém na i'aihâimana za'ra wa'aba zé hã i'rãsutu za'ra wa'wa.

Provébiu 1:21

'Ridawa nho'õmo ãma duré uburé 're idasi'rã'õtõ mono zéb ãma, te ãne hârâ 'rãihâ na 're hârâ:

Provébiu 1:29

A norĩ wa'wa hã rowaihu iwẽ hã asima 're wẽ za'ra wa'aba mono õ wa, te õne u'â 'Re ihâimana u'âsi mono, Danhib'apito wazébzé hã asiwi 're iwẽ'õ za'ra wa'aba mo.

Provébiu 1:32

Isimiza'rese'õ norĩ hã te za 're dâ'â za'ra, rowaihu iwẽ hã te te siwi 're wẽ'õ za'ra mono wa. Duré ta norĩ hã rowaihu iwẽ zô 're isi'wapé za'ra mono õ norĩ hã te za 'râwi 're si'uprosi.

Provébiu 1:4

Te za duré ni'wam norĩ hã simirosa'rata waihu'u prã na 're ihâimana za'ra mono hã te te 're pawaptob za'ra, simirowaihu'u wẽ na oto 're hâimana za'ra mono da. Aibâ ipréduptém norĩ hã marĩ i'uwaibaba si te te 're 'manharĩ za'ra mono da hã, te za te te 're pawaptob za'ra.

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 15:12

Da'ãma 're iwa'ẽ mono ma hã tãma wẽ'õ di, ihâimanazé, da te tãma ipese da hã. Tahawa, niwamhã i'rãi waihu'u wẽ norĩ nhimirotizéb zô hã sima 're tob'uzui mono õ di.

Provébiu 19:29

Da'ãma 're idawa'ẽ za'ra mono norĩ da hã te i'ahârizéb da hã da te sada 're sa'ra za'ra. Duré isimiza'rese'õ norĩ da zama, te za iba wi da te 're ipré'é za'ra mono da hã da te sada 're sa'ra za'ra.

Provébiu 21:11

Da'ãma 're iwa'ẽ mono ma, da te tãma rob'manharĩ wamhã, te za simirosa'rata prã na 're ihâimana mono hã, ti'rãi waihu'u wẽ zé hã waihu'u. Duré isimiza'rese wẽ ma, da te tãma 're roti mono wamhã, te za rowaihu iwẽ hã te te tãma sina 're hâimo.

Provébiu 21:24

'Re isi'madâ'â ze mono waptẽrẽzé hã, da'ãma 're iwa'ẽi mono na. Ta hã te simiwazéb õ na 'râwi 're si'madâ'â zei u'âsi.

Provébiu 22:3

Isimiza'rese wẽ, marĩ isimimnha te te 'madâ'â wamhã, te za tãma ai'ré, romhâ na ré. Tanei õ di, isimiza'rese'õ hã. Ta hã te za õne haré itẽme mo. Tahawa, te za robzépada hã sisô waze.

Provébiu 3:34

Da'ãma 're iwa'ẽ za'ra mono norĩ ãma te za 're wa'ẽ iwa'rãmi. 'Râwi 're isi'madâ'â ze za'ra mono õ norĩ si te za te te 're apawapto.

Provébiu 5:12

Tawamhã te za asima inha, ãne: — Iwẽ na da te ĩma 're iroti mono zé hã ĩma 're wapari 'rui mono di! Duré niwamhã danhimiroti wẽ, te ĩsina hã 're sazei waihu'u mono õ di.

Provébiu 6:9

Aiwa'a za'ra wa'aba norĩ, e momo te za asimiwaptâ wamhã, anomrozé hã i'rãsutu za'ra wa'wa. Rob'upi zei õ 'wa norĩ, e niwa te za asimiwaptâ hawimhã aptâ'â wi tiwi ai'utu za'ra wa'wa.

Provébiu 7:7

wa tô siwazari ipréduptém norĩ simirosa'rata waihu'u prã na 're ihâimana za'ra mono norĩ hã 'madâ'â za'ra. Ta norĩ 'remhã te isimiza'rese'õ hã ti'maihâiba dawazari.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Mateu 17:17

Tawamhã Zezusi ma tô tinha, ãne: — E niha ai'rata 're ĩnhamra u'âsi za'ra wa'aba mono nherẽ, asina 're ĩ'umnhasi za'ra wa'aba mono õ di, te 're i'aipawaptob za'ra wa'aba mono zéb da na hã. Nimosi aipoto té wa'aba mono hã i'aihâimana wasété za'ra wa'wa. E ĩpẽ'ẽzé u'âsi, wa za asiré wa'aba hã 're morĩ u'â, 're ĩ'umnhasi za'ra wa'aba mono õ wa. Ma'ãpé we ĩtẽme asiwi saprõni aba, ai'repudu hã.

Mateu 23:37

Tawamhã Zezusi te duré dama tinha, ãne: — Zeruzalẽ ãma 're ai'ubumroi wa'aba mono norĩ ãma, ai'ãma ĩpẽ'ẽzé za'ra wa'aba di. Aihi'rata norĩ hã ma tô 'Re ihâimana u'âsi mono zadawa 'mahârâ 'rata 'wa norĩ hã te te 're simroi u'âsi. Datẽme te te 're isatõrĩ za'ra mono norĩ zama, te duré te te 're simroi u'âsi, ẽtẽ na. Si'a hã ti'ra zawi te, 're ipapo za'ra mono ne, wa aré te ĩsima 're aiwẽ u'âsi za'ra wa'wa, ĩsitẽme te 're ai'awaibui wa'aba mono da. Tane nherẽ, asima 're ĩwẽ za'ra wa'aba mono õ di asa hã.

Mateu 9:13

Duréihã ma tô 'Re ihâimana u'âsi mono zadawa 'mahârâ'wa hã ãne na rob'ui'éré, 'Re ihâimana u'âsi mono mreme na: “Asimizama hã ĩma 're izata za'ra wa'aba mono zô hã, sô 're ĩnhimipari mono õ di oto. Asimizawi pese zarina, da'ãma 're aiwamri za'ra wa'aba mono da si, wa ĩsima te 're aiwẽ za'ra wa'wa oto.” Ãne duréihã 'Re ihâimana u'âsi mono mreme na rob'ui'éré hã sô sabu za'ra wa'aba ibaihâ hã, waihu'u pese za'ra wa'aba da. Dawẽ na 're idanomro mono norĩ zô ĩsitẽme sô 're ĩhârâ za'ra mono da, we ĩmorĩ õ di. Dawasété na 're idanomro mono norĩ zô si ĩsitẽme sô 're ĩhârâ za'ra mono da si, wa tô wei mo.

Luca 19:42

Tahawa, te ãne tinha: — Ãhã na dama 're irowẽ za'ra mono zé hã dama waihu'u za'ra 'wa'âhã, aré dama 're rowẽ za'ra mono di. Tane nherẽ, dama waihu'u za'ra õ di. Tahawa, da'ãma ĩpẽ'ẽzé di.

Zuwã 3:20

Ni'wam norĩ hã 're nomro wasété u'âsi mono wamhã, te za 're imorĩ wẽ uptabi hã te te 're 'ruiwapari za'ra, rowa'a iwẽ hã. Tawamhã itẽme 're nomro mono õ di za, isimirosa'rata wasété na te te 're awaihu'u mono wa, 're siséb za'ra mono õ'umnhasite.

2 Pedru 3:3

Marĩ ipire na, wa za oto aima rowasu'u za'ra wa'wa, waihu'u za'ra wa'aba da. Rob'rãsutu u hã romhuture wamhã, te za ni'wam norĩ hã ãne 're hâimana za'ra. Marĩ iwasété zô si te za te te 're rowasutu za'ra. Ãne te za te te aima 're nharĩ za'ra wa'wa: “Oro apâ wei morĩ 'ruza Zezu Cristu hã, te te sina iropisutuzéb zarina. E mahãta tawamhã. Wamama norĩ hã ma tô wawi 're dâ'â za'ra. Tane nherẽ, te õhõ u'â zahadu 're ropsa'wari, Ropoto na'rata hawim haré.” Ãne te za te te aima 're nharĩ za'ra wa'wa.

Apocalipsi 22:17

'Re ihâimana u'âsi mono pẽ'ẽzani hã te Pone'ẽrebâi mro da me, dazô 're hârâ u'âsi zahuré, ãne: — We 're anomro aba mono, â u'âsi u. Tawamhã ni'wam norĩ hã ãne hã te te 're wapari za'ra mono wa, â u'âsi u 're nomro mono wamhã, te za duré ihârâ zahuré na dazô 're hãsi u'âsi. Da te 're 'rubu za'ra mono wa, da te 're i'âhuri mono ne, ni'wam norĩ hã te te sima 're wẽ za'ra mono wamhã, te za tô â u'âsi u 're nomro, te te 're âhuri u'âsi mono da, wa'âbâ ãna. Â u'â hã da te 're âhuri mono wa, 'Re ihâimana u'âsi mono 'rata 're idanomro u'âsi mono zé.