Provébiu 1:2 - ꞌRe Ihâimana Uꞌâsi Mono Zadawa Wasuꞌu

² Ã hã te za te te 're wa'apawapto, rowaihu iwẽ hã duré rotizé iwẽ hã sõ'awi 're ihâimana mono õ hã, rosa'rata na wa te ãma 're waihu'u za'ra mono da hã,

Provébiu 1:2 ပူးပေါင်းရင်းမြစ်များ

Provébiu 15:33

Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 16:16

Wẽ uptabi di ẽtẽ waipo pré oru nhipai u, da'rãiwaihu'u wẽ, da te 're iwaihu'u za'ra mono da hã. Duré wẽ uptabi di ẽtẽ waipo prã prata nhipai u, danhimirowaihu'u wẽ na 're idahâimana za'ra mono zé hã.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 19:20

Ma'ãpé danhimiroti hã 're wapari pese mono, duré asima 're wẽ mono. Ãne wamhã, nimahã na te za ai'rãi waihu'u wẽ na oto 're aimo.

Provébiu 2:9

A hã ĩwapari wamhã, marĩ i'uwaibaba na si, duré sena na 're dahâimana za'ra mono wa, da te 're i'manharĩ za'ra mono zé hã te za i'awaihu'u mo.

Provébiu 4:1

Ĩ'ra norĩ, aimama nhimiroti hã 're wapari pese za'ra wa'aba mono. 'Re asimipari pese za'ra wa'aba mono wamhã, te za asimirowaihu'uzé iwẽ hã 're iwaihu'u za'ra wa'aba mo.

Provébiu 7:4

Ma'ãpé aihidiba ne rowaihu iwẽ hã 're 'madâ'â pese mono. Asimiza'rese wẽ hã duré 're 'madâ'â pese mono, asiwaihu iwẽ uptabi ne.

Provébiu 8:33

Ma'ãpé aima ĩnhimiroti za'ra wa'aba zé hã wapari pese za'ra wa'aba. Ai'rãi waihu'u wẽ na 're aihâimana za'ra wa'aba mono. Te aima irowaihu'u za'ra wa'aba zé hã asiwi rẽme aba tõ.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.