Provébiu 1:15 - ꞌRe Ihâimana Uꞌâsi Mono Zadawa Wasuꞌu

¹⁵ Ĩ'ra, ã norĩ siré hã 're ane mono tõ. Romhâ na tãma 're asa'o hâ za'ra mono.

Provébiu 1:15 ပူးပေါင်းရင်းမြစ်များ

Salmu 1:1

Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

Salmu 119:101

Bâdâdi iwasété wi, wa tô 're ĩza'o hâ, aimreme si te 're 'madâ'â pese mono da oto.

Provébiu 1:14

Tahawa, ãma wahâiba watob za'ra na. Tawamhã marĩ wa te isimi'uri za'ra na wa za ãma wasima wasipo'o.”

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 24:1

Rowasété 'manharĩ zei 'wa norĩ hâimanazéb zô hã asima 're rob'ruiwapari mono tõ. Duré ta norĩ siré 're i'aihâimana mono da hã asima 're rosa'rata mono tõ.

Provébiu 3:31

Rowasété 'manharĩ zei 'wa norĩ hâimanazéb zô hã asima 're rob'ruiwapari mono tõ. Duré õ norĩ te te 're irob'manharĩ za'ra mono si ne hã 're rob'manharĩ mono tõ.

Provébiu 4:27

Tiwi 're ai'a're nhi'oto mono tõ õwamhã, duré ãwamhã. Iwasété ma hã, duré 're asa'o hâ mono.

Provébiu 5:8

Ãne na hã pi'õ 're ihâimana mono nhiti 're aihâimana mono. Isõrõwa 'ridawa u hã 'râwimhã 're aimasisi mono tõ!

Provébiu 9:6

Ma'ãpé, rẽme pese za'ra wa'aba, isimiza'rese'õ norĩ hã, rowẽ na 're i'aihâimana za'ra wa'aba mono zé hã asina uwaimrami za'ra wa'aba da. Da'rãi waihu'u wẽ na 're idanomro mono zém na bâdâdi na si 're anomro aba mono.”

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.