Provébiu 1:10 - ꞌRe Ihâimana Uꞌâsi Mono Zadawa Wasuꞌu

¹⁰ Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 1:10 ပူးပေါင်းရင်းမြစ်များ

Zenezi 37:20

Oto wa te wasiwi wĩrĩ aba. Taha parimhã ihâiba, â zô ab're i'ré 're, wa za wasiwi me ni. Duré abaze zahi te te i'rẽne na wa za wamama ma hã wasiwi wasu'u ni. E ãne wamhã, tinhimirosawẽrẽ na te te ãma wama uwaimrami za'ra da bâ.

Salmu 1:1

Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 16:29

Rowasété 'manharĩ zei 'wa hã te za tisiwaihu hã te te sitẽme 're 'wani za'ra, bâdâdi iwasété na te te siré 're anhimroi mono da.

Provébiu 20:19

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 24:2

Ta norĩ hã te te dama 're irob'manharĩ wasété za'ra mono da si, te tô te te sima 're rosa'rata za'ra. Te te da'ãma 're iro'wa'rutu za'ra mono na si te duré sima te te 're robzanhamri za'ra.

Roma 16:18

Ta norĩ hã Wanhib'apito Cristuhu ma, te te 're romhuri za'ra mono õ di. Te te sima 're iwẽ za'ra mono zéb zarina si, te marĩ iwasétére zô si hã sima 're sõpré. Ta norĩ hã sadawa nhipese nherẽ, te isimiroti hã sena newa da te 're wapari ze za'ra, danhimirosa'rata nhib'uware na 're idahâimana za'ra mono norĩ hã. Mreme wapari zei wa, duré asa imreme hã da te dasima 're wẽ za'ra mono da, te taré timreme amo na te te dama 're rowasu'u za'ra, da'ãma 're wata za'ra mono sina. Tawamhã taha zarina, te za awa'awi imreme na da te 're saze za'ra.

Éfézu 5:11

Isazei'õ'wa norĩ siré, marĩ iwasédé hã 're 'manharĩ za'ra wa'aba mono õ di za oto, ipẽ'ẽ 're, robra u'âsi 're inomro mono norĩ siré hã. Ta norĩ ma, te za 're iroti pese za'ra wa'aba mo, te te 're sahâri za'ra mono da, tinhimi'manharĩ wasété za'ra zé hã.