Neemia 9:7 - ꞌRe Ihâimana Uꞌâsi Mono Zadawa Wasuꞌu

⁷ “A hã Uburé Danhib'apito 'Re ihâimana u'âsi mono, Abrãhã pisutu'wa, ma tô Babilonia ãma Ur na 'ri nho'õmo nhisi hawimhã iwaze. Ma tô duré Abra'ã na isisi tém na da hã oto ãma isaprĩ.

Neemia 9:7 ပူးပေါင်းရင်းမြစ်များ

Zenezi 11:31

Tawamhã Tera, 'ri nho'u Ur na isisi hawi watobro wamhã, Cana'ã na romnhisi u morĩ da, ma tô ti'ra Abrãhã siré, tinhihudu Lo hã siré saprõ, Harãhã 'ra hã. Duré tisani'wa Sara'i, ti'ra mro hã ma tô duré siré saprõ. Tawamhã Harã na 'ri nho'õmo nhisi u oto sihutu wamhã, ma tô duré oto tamemhã 're hâimana za'ra.

Zenezi 15:7

Tawamhã te duré sina tãma tinha ãne: — Wa hã, Uburé Danhib'apito. Wa hã wa tô Babilonia hawimhã we aiwaze, 'rinho'u Ur na isisi hawimhã, ã hã ti'a te aima isõmri da hã ãma 're airo mono da oto.

Zenezi 17:5

Tahawa ã hawimhã za oto asisi hã Abra'ã na. Asisi õ di za oto, Abrã na hã. E marĩ wa. A'uwẽ wamri mono bâ da'ahâ uptabi hi'rata na 're aihâimana mono da, za te aima 'manharĩ wa.

Zenezi 18:19

Wa hã, Abra'ã wa tô pisutu, ti'ra norĩ ma, tinhihudu norĩ ma, ĩzadawa na si 're sõpré mono da hã te te tãma 're waihu'u za'ra mono da, tãma ĩnhimirotizé hã te te 're wapari pese za'ra mono da, duré i'uwaibaba na si sena na ãma 're nomro mono da. Tawamhã ta norĩ ĩmreme te te 're iwapari pese za'ra mono na 're hâimana za'ra mono wamhã, wa hã wa za Abra'ãhã ma, te tãma iropisutuzé hã uburé ãma tãma a'uwaimra.”