Neemia 9:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Izaraéu nhihudu norĩ, ma tô ãne mreme zu: “'Re ihâimana u'âsi mono, aiwétési Uburé Danhib'apito! A hã ma tô hâiwa i'manha. Wasi norĩ hã ma tô duré i'apoto mo. Ti'a hã, âporé hã, duré iwa 're ihâimana za'ra mono hã ma tô i'apoto mo. A hã ma tô uburé asimipoto mono bâ hâiba ré, 're ihâimana za'ra mono da hã tãma i'manharĩ za'ra. Duré hâiwa ãma ihâiba ré norĩ hã te hi'rãtitõ aima 're si'ubumroi mono sina ai'ãma 're wata u'âsi za'ra.

Neemia 9:6 ပူးပေါင်းရင်းမြစ်များ

Zenezi 1:1

Ropoto na'rata hawimhã, 'Re ihâimana u'âsi mono, hâiwa duré uburé marĩ iwa 're isimasa mono da hã, ma tô simisutu ti'ai me hã poto za'ra.

Zenezi 1:9

Tawamhã te duré tinha ãne: — Â hã hâiwa zahâpâ 're isa'wari mono hã te za misi haré oto ubumro, ti'ai 'ré na oto sihâi'ré da, ti'a hã. Tahawa ãne hã ma tô oto tiromhâiba.

Zenezi 2:1

Ãne 'Re ihâimana u'âsi mono, ma tô te te apoto 'rãsutu, hâiwa duré ti'a hã, duré uburé marĩ iwab zahuré si'uiwa na 're ihâimana za'ra mono da hã.

Zenezi 32:2

Tawamhã Zaco te te 'madâ'â za'ra wamhã, te ãne tinha: — Ã hã 'Re ihâimana u'âsi mono te, 'ri nhoré mono hã dasi'wapéi 'manharĩ'wa norĩ ubumrozé. Tahawa ma tô duré romnhisi, Ma'ana'ĩ na.

Neemia 9:5

Tawamhã levita norĩ Zesua, Cadmi'é, Bani, Hasabnéia, Serebia, Hodia, Sebania, duré Petaia, ma tô 'Re ihâimana u'âsi mono ãma dawata za'ra da hã dazô tihârâ za'ra. Tahawa, ma tô ãne dama nharĩ za'ra: “Ma'ãpé hâiwi aipara na aimasa aba, Uburé Danhib'apito, ate 'Re ihâimana u'âsi mono ãma aiwata za'ra wa'aba da, õne u'â 'Re ihâimana u'âsi mono, 're ihâimana mono ãma! Duré isisi wẽ na uburé, ãma 're dawata za'ra mono, ãma 're idawata za'ra mono zém na da te iwab 're sa'ra mono dai õ nherẽ!”

Salmu 102:25

Romna'rata hawimhã, ti'a norĩ hã hâiwa me ma tô i'manha zahuré, asib'rata na.

Salmu 103:21

Uburé Danhib'apito ãma si, tô uburé ãma 're aiwata za'ra wa'aba mono, uburé hâiwa ãma romhuri'wa norĩ, duré uburé isib'a'uwẽ na 're i'aihâimana za'ra wa'aba mono norĩ, marĩ te te sima 're iwẽ mono zéb zarina 're i'manharĩ za'ra wa'aba mono norĩ hã!

Salmu 24:10

E 'wa ã hã Apito, danhipai u, isiptede iwaihu'u pese uptabi. Ta hã, tô Uburé Danhib'apito, isiptede, duré iwaihu'u pe.

Salmu 36:6

Ẽtẽ 'rãihâ rési ãna 're isa mono ne, te i'uwaibaba na si dama 're i'arowairébé mono zé hã 're hâimana. Duré â poré â 'rehâ uptabi ne, te dama 're i'apisutu mono zé hã 're hâimana. Uburé Danhib'apito, a hã te a'uwẽ norĩ hã, abaze norĩ me 're i'ab'madâ'â pese mo.

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

Zuwã 10:30

Wa norĩ hã aiwa wawaihu'u pese di, Ĩmama me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:24

Ãne hã da te wapari za'ra wamhã, aihĩni ma tô dasiré ãma tawata za'ra ni, 'Re ihâimana u'âsi mono ãma. Te oto tiwi rowaptẽrẽ za'ra ni, tawamhã ãne: — 'Re ihâimana u'âsi mono, a hã Wanhib'apito uptabi. A hã Ropoto na'rata 'wa. Uburé, ma tô marĩ hã i'apoto mo, hâiwa hã, duré ti'a hã, duré âporé hã. Uburé iwa 're idanomro mono da hã ma tô duré ipo.

Hebreu 1:3

Õhõ si te oto Timama hã iwẽ uptabi na te te dama 're wasu'u, rowa'a isa'ẽtẽ ré na hã. Taha si te Timama ne 're hâimana, aiwa wa. Tinhimiroti nhiptete na te uburé marĩ hã te te 're a'upari wẽ, 're si'utõrĩ tõ za'ra mono da. Õhõ si dawasédé hã te te dama 're apari mono da, dazada dâ'â wa, taha pari hâiwa'utu wa, te oto 'Re ihâimana u'âsi mono nhimire niwĩ 're sãmra hâiwa ãma, danhipai u iwaihu'u pese uptabi nhimire niwĩ, isiré te te 're da'ab'madâ'â mono da oto, pire uptabi na.

Hebreu 1:6

Ãne te duré tinha, 'Re ihâimana u'âsi mono hã ti'ra hã ti'ai u za te te we isatõrĩzém na, da'ra hã dama 're ipoto 'rata za'ra mono ne, poto da: “Uburé hâiwa ãma 'Re ihâimana u'âsi mono ma, romhuri'wa norĩ hã za tô ãma 're iwata u'âsi za'ra mono da si, wa ti'ru.”

Apocalipsi 14:7

Ãne te mreme 'rãihâ na te te dama 'mahârâ: — 'Re ihâimana u'âsi mono nhimiroti hã 're wazé pese za'ra wa'aba mono. Duré wẽ uptabi wa, ãma 're aiwata pese u'âsi za'ra wa'aba mono. Ma tô iwa waptãrã, 'Re ihâimana u'âsi mono te te da'ãma i'arowairébézéb u da hã, uburé pese. Tahawa, te za Ropoto'wai ãma 're aiwata u'âsi za'ra wa'aba mo, hâiwa 'manharĩ'wai ãma, duré ti'ai 'manharĩ'wai ãma, duré â poré 'manharĩ'wai ãma, duré ub're 'manharĩ'wai ãma.

Apocalipsi 4:11

Ãne te nasi ãma tiwata za'ra: “Wanhib'apito, 'Re ihâimana u'âsi mono, a hã aiwẽ uptabi di. Aiwaihu'u pese di. Aiwaihu'u pese na ma tô i'aropoto mo. Asima iwẽ zarina ma tô uburé pese i'aropoto mo. Asima iwẽ zarina te oto uburé marĩ hã 're hâimana za'ra, asimipoto mono bâ. Tahawa, uburé i'aropoto mono zéb zarina tô ibâre, wa ai'ãma si 're wawata u'âsi za'ra.”