Neemia 9:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã levita norĩ Zesua, Cadmi'é, Bani, Hasabnéia, Serebia, Hodia, Sebania, duré Petaia, ma tô 'Re ihâimana u'âsi mono ãma dawata za'ra da hã dazô tihârâ za'ra. Tahawa, ma tô ãne dama nharĩ za'ra: “Ma'ãpé hâiwi aipara na aimasa aba, Uburé Danhib'apito, ate 'Re ihâimana u'âsi mono ãma aiwata za'ra wa'aba da, õne u'â 'Re ihâimana u'âsi mono, 're ihâimana mono ãma! Duré isisi wẽ na uburé, ãma 're dawata za'ra mono, ãma 're idawata za'ra mono zém na da te iwab 're sa'ra mono dai õ nherẽ!”

Neemia 9:5 ပူးပေါင်းရင်းမြစ်များ

Esdra 3:11

Tawamhã nima norĩ, Uburé Danhib'apito ãma iwata za'ra na ma tô tinho're za'ra. Tahawa, isiré ihâiba amo hã ma tô nasi 'râwi ãma sada'âbâ za'ra, tinho're na tô õhõ danho're na. Ãne te nasi ãma sisada'âbâ za'ra: “Uburé Danhib'apito hã wẽ uptabi di. Duré isimizawizé Izaraéu nhihudu norĩ ãma hã te õne u'â 're hâimana u'âsi!” Tawamhã uburé a'uwẽ norĩ hã te mreme 'rãihâ sina Uburé Danhib'apito ãma hã tinho're na, nasi ãma tiwata za'ra, 'ri 'manharĩ na apâ te te oto ãma siwi sãna'rata wẽ te.

Neemia 9:4

Tawamhã wede 'manharĩ na wa'ra nhisiwi ma tô levita norĩ Zesua, Bani, Cadmi'é, Sebania, Buni, Serebia, Bani, duré Quenani norĩ, hâiwi simasab sina Uburé Danhib'apito, tite 'Re ihâimana u'âsi mono ma, mreme 'rãihâ na hã mreme zu.

Neemia 9:6

Tawamhã Izaraéu nhihudu norĩ, ma tô ãne mreme zu: “'Re ihâimana u'âsi mono, aiwétési Uburé Danhib'apito! A hã ma tô hâiwa i'manha. Wasi norĩ hã ma tô duré i'apoto mo. Ti'a hã, âporé hã, duré iwa 're ihâimana za'ra mono hã ma tô i'apoto mo. A hã ma tô uburé asimipoto mono bâ hâiba ré, 're ihâimana za'ra mono da hã tãma i'manharĩ za'ra. Duré hâiwa ãma ihâiba ré norĩ hã te hi'rãtitõ aima 're si'ubumroi mono sina ai'ãma 're wata u'âsi za'ra.

Salmu 16:2

Wa hã Uburé Danhib'apito ma, wa tinha, ãne: “A hã, Ĩnhib'apito. Uburé marĩ iwẽ ĩma 're ihâimana mono hã, aihawip si.”

Ezodu 15:11

Uburé Danhib'apito, ni'wa asine hã hâimana õ di, ãma 're idawata za'ra mono hã! E 'wa te asine ipire uptabi hã 're hâimana, iwasété'õ hã. E 'wa hã te za duré dama iwaihu'u'õ hã te te 're ab'manharĩ, a hã marĩ 're i'ab'manharĩ mono ne.

Ezodu 15:6

Uburé Danhib'apito asib'rata nhimire niwĩmhã, asiptede hã sa'ẽtẽ uptabi di; ta hã ma tô asitob'ru norĩ hã te te nhinhizu pese za'ra.

Daniéu 2:20

ãne: “'Re ihâimana u'âsi mono nhisi na si ãma 're dawata u'âsi za'ra mono, taha ãma si uburé rowaihu'u norĩ hã duré isiptetezé hã 're hâimana zahuré mono wa.

Mateu 11:25

Tawamhã Zezusi hã te duré ãne Timama ma hã mre: — Ĩmama, a hã Danhib'apito uptabi, hâiwa ãma hã, duré ti'ai ãma zama. A hã ma tô rowaihu'u pese 'wa norĩ wi roti iwẽ hã 're i'anhito mo, te te 're waihu'u za'ra mono tõ da hã. Rowaihu'u prãi 'wa na 're ihâimana za'ra mono norĩ ma si, ma tô marĩ iwẽ hã 're i'awaihu'u mo. Tahawa, wa ai'ãma ĩwata, asõpru wa.

2 Corĩtu 4:6

Duréihã ropoto na'rata hawimhã, 'Re ihâimana u'âsi mono ma tô tinha, ãne: “Ãhã na hã robra si 're asa'wari mono nherẽ, oto airowa'a na.” Ãne te tinha. Tane ma tô duré wapẽ'ẽ 're, te te wama 're arowa'a oto, isadawa wasu'u hã wa te oto ãma 're iwaihu'u pese za'ra mono zéb da hã. Cristu hã ma tô wama waihu'u za'ra, Imama 're imorĩ wẽ uptabi na hã.

1 Pedru 1:3

'Re ihâimana u'âsi mono ãma si oto 're wawata u'âsi za'ra wa'aba mono, Wanhib'apito Zezu Cristuhu mama ãma. E marĩ wa. Ipẽ'ẽzézé hã sa'ẽtẽ na tãma 're hâimana mono wa, ma tô wa'apoto té, wapẽ'ẽ 're, wahâimanazép té iwẽ na si oto ãma 're wahâimana za'ra mono da. Zezu Cristu hã dâ'â uptabi nherẽ, ma tô Imama hã ab're hawi hâiwa'utu, tiwaihu'u pese na. Taha zarina, wa za duré wasina sô 're wanhimipari za'ra, 're wadâ'â za'ra mono pari, te te 're iwa'ahâiwa'utu mono zéb zô.

Zuize 13:18

— E marĩ da, te ĩnhisi waihu'u da hã asima iwẽ. — Ãne te Hâiwa ãma Romhuri'wa asa ãma sadanha. — Ĩnhisi hã uburé marĩ dama isa'rese'õ zéb ré 're ihâimana mono na.