Neemia 9:34 - ꞌRe Ihâimana Uꞌâsi Mono Zadawa Wasuꞌu

³⁴ Wahi'rata norĩ hã, wanhib'apito norĩ hã, wama ipire za'ra norĩ hã, duré wate sasedoti norĩ hã, asimirotizé hã te te aima ãma 're uwaimrami za'ra mono õ di. Duré aimreme hã, duré 're iwa'apo're pu'u mono zé hã te te 're wapari za'ra mono õ di.

Neemia 9:34 ပူးပေါင်းရင်းမြစ်များ

Esdra 9:10

— 'Re ihâimana u'âsi mono, e niha uburé marĩ hâimana parim nherẽ, wa za bété nharĩ za'ra ni, niha na, ãhã awa'awi na hã. Wa norĩ hã wa tô uburé asimiroti hã rẽme za'ra ni,

Neemia 9:30

Tane nherẽ, wahup sidâpâsi ta norĩ ãmamhã 're aiwa'a su'u mono õ di. Duré Aipẽ'ẽzani, asadawa 'mahârâ'wa nho'õmoi babamhã ma tô te te tãma 're pri'i za'ra. Tane nherẽ, ma tô asib'a'uwẽ norĩ hã po're nhidâ haré 're hâimana za'ra. Tahawa ma tô duré iwaptoma 're idahâimana za'ra mono norĩ ma, isib'ratab za'ra tãma 're i'anhomri u'âsi mo.

Neemia 9:33

Uburé marĩ wa'ãma 're ihâimana za'ra mono zé hã ma tô i'uwaibaba si wa'ãma 're i'a'madâ'â mo. Duré wa norĩ hã wawasété si wa te aiwi 're 'manharĩ za'ra mono nherẽ, ma tô ibâ na si wama 're i'arob'manharĩ mo.

Neemia 9:35

Asimipawaptobzé iwẽ hawim na, ma tô apito norĩ, asib'a'uwẽ norĩ ma i'rãnho'õmo na 're hâimana za'ra, ti'a iwẽ isa'ẽne tãma isõmri za'ra zé wa, iwa 're si'ubumroi mono ré hã. Tane nherẽ, õ norĩ hã aima romhuri'wa na 're hâimana za'ra mono õ di. Duré tiwasété na si 're inomro mono zé hã te te rẽme za'ra õ di.

Daniéu 9:6

Duré asib'a'uwẽ asadawa 'mahârâ'wa norĩ, wa te wasiwi 're wapari za'ra mono õ di, asisi na wama i'rã nho'õmo norĩ ma, duré wama ipire norĩ ma, duré wahi'rata norĩ ma, duré uburé Izaraéu nhihudu norĩ ma, te te 're irowasu'u za'ra mono zém na hã.