Neemia 9:31 - ꞌRe Ihâimana Uꞌâsi Mono Zadawa Wasuꞌu

³¹ Tane nherẽ, da'ãma 're i'aiwamri mono zé hã sa'ẽtẽ na aima 're hâimana mono wa, ta norĩ hã duré rẽme za'ra õ di. Uprosi za'ra õ di duré. A hã, 'Re ihâimana u'âsi mono da'ãma 're i'aiwamri pese mono, duré 're idapawapto wẽ u'âsi mono, te 're aihâimana mo!

Neemia 9:31 ပူးပေါင်းရင်းမြစ်များ

Neemia 9:17

Aimreme te te 're wapari za'ra mono tõ da hã, ma tô duré siwi sisisi. Duré uburé marĩ 're i'ab'manharĩ mono zém na hã, ma te po're ha'âri pese za'ra. Marĩ isa'rese'õ iwẽ 're i'ab'manharĩ mono zém na hã ma te duré po're ha'âri pese za'ra. Duré 're isi'madâ'â ze za'ra mono zarina ma tô tinhib'apito da hã 'râwi sima pisutu za'ra, Ezitu u apâ te te isimroi mono da hã, pawa'âbâ ãna duré apâ te te 're romhuri za'ra mono da dama. Tane nherẽ, a hã 'Re ihâimana u'âsi mono, tô dawasété pari'wa. Duré a hã i'aiwẽ, asimizawi pe, duré 're i'asahi su'u mono õ. Duré da'ãma 're i'aiwamri mono zé hã sa'ẽtẽ uptabi di. Tahawa tô rẽme za'ra õ di, ta norĩ hã.

Neemia 9:19

A'ubuni wi rop si 're irosa'wari mono ãma hã, a hã darẽme waihu'u õ di, sa'ẽtẽ uptabi na da'ãma 're i'aiwamri mono zé hã aima 're hâimana mono wa. Duré bâtâ mono na hâiwa'a, mara mono na unhama ro'o na, õ norĩ ma, te te tãma bâdâdi na irowa'a za'ra mono hã, tiwi wazere waihu'u za'ra õ di.

Daniéu 9:9

Tane nherẽ, a hã da'ãma 're aiwamri pese mono di. Duré dawasété pari 'wa na te 're aihâimana mo, wa norĩ hã aiwi 're wasipizari za'ra mono nherẽ.