Tawamhã Zeruzalẽ ãma tô taha bâtâ mono na ni'wam norĩ hã wa tô nasi 'madâ'â za'ra, uwa 'ru 'rã iwa'u zô tipara na sabadu na nherẽ, te te 're iwati za'ra mono hã. Ni'wam norĩ hã te tite awaru po're pore na amnho hã, uwa 'rãi wa'u isé hã, uwa hã, figuera wede 'rã hã, duré aimawi tinhimarĩ hã Zeruzalẽ u, te te 're 'wasari. Tahawa, wa tô tãma waihu'u za'ra, sabadu na nherẽ, te te 're rowede tõ za'ra mono da hã oto.
Neemia 9:29 - ꞌRe Ihâimana Uꞌâsi Mono Zadawa Wasuꞌu29 Asimiroti tẽme apâ 're sipizari za'ra mono da, ma tô 're i'apo're pu'u u'âsi mo. Tane nherẽ, 're isi'madâ'â ze za'ra mono zarina, ma tô asimiroti hã te te 're wẽ'õ za'ra. Ma tô duré tãma 're iwaihu'u za'ra mono zé wi hã tiwasété si te te 're 'manharĩ za'ra, asimiroti 'madâ'â pese zém na si 're idanomro u'âsi mono zé, da te dasina 're uwaimrami za'ra mono da nherẽ. Ta norĩ hã pẽ'ẽ tete wa, ma tô ba niwĩmhã aiwi 're sipizari za'ra. Tahawa, te te siwi 're i'aiwapari pese mono zé hã ma tô siwi wẽ'õ pese za'ra. အခန်းကိုကြည့်ပါ။ |
Neemia 9:29
34 ပူးပေါင်းရင်းမြစ်များ
Ezitu ãma apito zada, isahâpâ dama roti'wa norĩ zada, duré isipti'ai ãma uburé a'uwẽ zada, ma tô asimiromhõsi pipa na hã nasi tãma irob'manharĩ za'ra, ta norĩ hã asib'a'uwẽ norĩ ma, te te 're i'manharĩ za'ra mono zéb zarina te te 're irobzépata za'ra mono zé hã aima waihu'u pese wa. Ãne ma tô ãhã na zama ta norĩ wasu'u hã dama sa'rese za'ẽtẽ na hã 're hâimana za'ra.
“Tane nherẽ, tipo're'õ zarina ma tô duré apâ asib'a'uwẽ norĩ hã aiwi 're sipizari za'ra. Ma tô duré asimiroti na rob'ui'éré wi, ba niwĩmhã tiwi 're sipizari za'ra. Ma tô duré asadawa 'mahârâ'wa norĩ hã te te siwi 're simro, apâ atẽme 're sipizari za'ra mono da, te te ãma 're ipo're pu'u za'ra mono hã. Ma tô duré asib'a'uwẽ norĩ hã te te ai'ãma 're wasété zahu ahâ za'ra.
Tane nherẽ, wahup sidâpâsi ta norĩ ãmamhã 're aiwa'a su'u mono õ di. Duré Aipẽ'ẽzani, asadawa 'mahârâ'wa nho'õmoi babamhã ma tô te te tãma 're pri'i za'ra. Tane nherẽ, ma tô asib'a'uwẽ norĩ hã po're nhidâ haré 're hâimana za'ra. Tahawa ma tô duré iwaptoma 're idahâimana za'ra mono norĩ ma, isib'ratab za'ra tãma 're i'anhomri u'âsi mo.
Tawamhã Mozési norĩ, Arãhã me, Ezitu te apito u neb zahuré wamhã, ma tô ãne tãma rowasu'u zahuré: — Uburé Danhib'apito, hebreu norĩ te 'Re ihâimana u'âsi mono, te we ãne aima tinha: “E momo te za aiwapu na aihâimana da, asima iwẽ'õzé aihâimana na ãma i'uzusi mono zé ĩnho'remhã ti'rãsutu. E niwa te za ĩma aiwairo. Tahawa te za oto ãhã na ĩnhib'a'uwẽ norĩ ma iwaprosi za'ra, ate ti'ai wa'õtõ nho'õmo hawi wairébé da, ĩ'ãma si oto 're wata za'ra mono hâ.
Tawamhã Zezusi te asa tãma tinha, ãne: — E marĩ da, te ãne ĩzadanha, marĩ iwẽ hã da te 're i'manharĩ za'ra mono zém na hã. Misire 're imorĩ wẽ uptabi hã te 're hâimana. 'Re ihâimana u'âsi mono nhimiroti 'rata na Mozési te te ãma irob'ui'éré hã 're 'madâ'â pese mono wapsi, te za asina i'uwaimra, dadâ'â ãna 're idanomro u'âsi mono zé hã.
Duréihã ma tô duré ãne na rob'ui'éré ni: “'Re ihâimana u'âsi mono nhimiroti mono bâ, da te dasina tãma ãma 're uwaimrami u'âsi za'ra mono wamhã, rowẽ uptabi na te za 're dahâimana u'âsi za'ra.” Tane nherẽ, Cristuhu wasu'u zô, te zahadu 're rob'é'é, Cristu Danho'reptui'wa na da te dasina 're umnhasi za'ra mono da, dama 're irowẽ za'ra mono zéb da hã.
Wa hã, Uburé Danhib'apito, ate za'ra wa'wa 'Re ihâimana u'âsi mono na wa tô aima ĩsiwasu'u za'ra wa'wa. Amoreu norĩ te, ihâiba'õ norĩ na 're aiwata za'ra wa'aba mono tõ da wa tô duré aiwi sawi za'ra wa'wa, ã hã ti'ai 're, 're ihâimana za'ra mono ãma hã. Tane nherẽ, asima wẽ za'ra wa'aba õ di, asiwi ĩmreme wapari aba da hã.”
ကြော်ငြာတွေ