Neemia 9:28 - ꞌRe Ihâimana Uꞌâsi Mono Zadawa Wasuꞌu

²⁸ Tane nherẽ, rowẽ apâ itẽme 're sihutu mono sidâpâsi asib'a'uwẽ norĩ, tiwasédé te te aiwi 'manharĩ zahu za'ra wamhã, ma tô duré apâ isitob'ru norĩ ma hã 're i'aza'réi u'âsi mo, te te ãma 're ai'uté za'ra mono da hã. Duré apâ sadari sina mreme 'rãihâ na te te aiwi 're rowaptẽrẽ za'ra mono sidâpâsi ma tô duré hâiwa hawi a hã 're i'awapari mo. Tahawa, ma tô duré ãma 're i'aiwamri za'ẽtẽ za'ra mono zarina, nasi 're i'anho'reptui mo.

Neemia 9:28 ပူးပေါင်းရင်းမြစ်များ

Zuize 2:19

Tane nherẽ, dama i'rãnho'u 're dâ'â za'ra mono sidâpâsi, ma tô we 're ihâimana 'rata za'ra mono zéb u apâ 're sipizari za'ra, timama norĩ hâimanazém nhipai u iwasété na. Tahawa ma tô romhâibarĩ ãma si 're nomro mono da hã te te sima 're wẽ za'ra. Ma tô duré ãma 're wata za'ra, ihâiba'õ norĩ ãma hã. Tahawa tipẽ'ẽ tete na 're ihâimana wasété za'ra mono zém na ma tô te te ãma 're uzusi za'ra.

Zuize 3:30

Ãne ma tô Izaraéu nhihudu norĩ hã moabita norĩ ãma taha bâtâ na hã ãma ai'uté za'ra. Ãhã pari, ma tô 80 wahum na Izaraéu nhihudu norĩ nhipti'ai 'remhã rowẽ si oto 're ropsa'wari.

Zuize 4:1

Tawamhã Eudi dâ'â parimhã, Izaraéu nhihudu norĩ, ma tô duré Uburé Danhib'apito wi apâ 're wasété za'ra.

Zuize 5:31

Uburé Danhib'apito, uburé asitob'ru norĩ si'utõrĩ. Tane nherẽ, asiwaihu'u norĩ te te 're irowa'a pese za'ra mono da si iwẽ hã, bâdâ 're pusi mono wi ro'o nhiptete na te te 're irob'uiwẽ mono ne hã! Tawamhã ti'ai wa'õtõ nho'õmo 'remhã 40 na wahum na, rowẽ na si ma tô oto 're romhâimana.