Neemia 9:24 - ꞌRe Ihâimana Uꞌâsi Mono Zadawa Wasuꞌu

²⁴ Tahawa, ta norĩ nhihudu norĩ hã ma tô oto Cana'ã ti'a na hã ãma siwi ate za'ra. Ãhã wa, a hã ma tô iwa 're idahâimana za'ra mono norĩ na hã i'ai'uté. Ma tô duré asib'a'uwẽ ma, ihâiba nhomri za'ra, sima iwẽ na Cana'ã 're a'uwẽ ãma duré apito norĩ ãma niha hã marĩ te te ãma 're 'manharĩ za'ra mono da hã.

Neemia 9:24 ပူးပေါင်းရင်းမြစ်များ

Zozué 10:40

Ãne ma tô Zozué hã uburé ti'a norĩ ãmamhã ai'uté za'ra, ẽtẽ ãma apito norĩ 're ihâimana za'ra mono ãmamhã, duré hâiwa nhimire niwĩ norĩ ãmamhã, romharé norĩ ãmamhã, duré ẽtẽ zahâpâm na'rata norĩ ãmamhã. Ni'wa te te rẽme õ di. Uburé pese ma tô uprosi pese a'uwẽ hã, Uburé Danhib'apito, Izaraéu nhihudu norĩ te, 'Re ihâimana u'âsi mono hã te te tãma i'ru za'ra zéb zarina.

Zozué 11:23

Ãne ma tô Zozué, uburé ti'a norĩ hã waibu, Uburé Danhib'apito, Mozésihi ma te te inharĩzéb zarina, Izaraéu nhihudu wa'õtõ mono bâ te te sõmri za'ra mono da, ãma isipo'o mono hã. Ãne ti'a hã ma tô oto wa'udu, dasi'wapé na hã.

Zuize 4:23

Tawamhã tô taha bâtâ na ma tô 'Re ihâimana u'âsi mono, Izaraéu nhihudu norĩ ma sõmri za'ra, Zabĩ, cananeu norĩ nhib'apito ãma te te ai'uté za'ra da.