Neemia 9:14 - ꞌRe Ihâimana Uꞌâsi Mono Zadawa Wasuꞌu

¹⁴ A hã ma tô duré sabadu iwazéb zahi na te te 're i'madâ'â za'ra mono zéb da hã tãma iroti za'ra. Ma tô duré asimiroti na rob'ui'éré hã tãma isõmri za'ra, Mozésihi nho'õmoi baba.

Neemia 9:14 ပူးပေါင်းရင်းမြစ်များ

Zenezi 2:3

Tawamhã bâdâ 7 ãma, ma tô iwẽ na hã pisutu, aimawi wazéb zahi na dama 're hâimana mono da hã. E marĩ wa. Taha bâtâ na wa'utu wa, uburé te te aropoto mono pari.

Neemia 1:8

Tahawa ma'ãpé ãhã na awa'awi na ãma aipo're pu'u, tãma iwaihu'uzém na hã ãne: “Izaraéu nhihudu norĩ, a norĩ wa'wa hã ĩ'ãma si 're anomro aba mono õ wamhã, wa za aimawi a'uwẽ norĩ tẽmemhã ai'ãma ropéi wa'wa za.

Neemia 10:32

Tawamhã wahâiba mono bâ, wahup sidâpâsi wa za 'Re ihâimana u'âsi mono nhorõwa ma, marĩ wa'âbâzéb da, wa te 're sõmri za'ra, ẽtẽ waipo prã prata 4 grama na ipire pibuzém na hã.

Ezodu 16:23

Mozési te ãne tawamhã tãma nharĩ za'ra: — Awẽmhã dawa'utuzé, sabadu romhuri 'rãsudu iwazéb zahi, Uburé Danhib'apito aimawi te te ipisudu. Tahawa, ma ãne tinhimiroti aima sõmri za'ra wa'wa: “Ni'wam norĩ ã hã dasa sebre za'ra wa'aba da wamhã, ma'ãpé asima sebre za'ra wa'aba; duré ãma asima api za'ra wa'aba da wamhã, ma'ãpé ãma asima asipi za'ra wa'aba. Duré isi'mairẽme hã awẽ bâtâ u da, asisa sa'ra wa'aba mono za.”

Ezodu 16:29

Ãma aipo're pu'u za'ra wa'aba, wa hã Uburé Danhib'apito, dawa'utuzé bâdâ te aima isõmri za'ra wa'aba zém na hã. Tahawa 6 bâtâ ãma wa tô dasa na hã aima sisiwi za'ra wa'wa, maparane bâtâ 'reb da hã. 7 bâtâ ãma te za uburé pese i'aihâimana za'ra wa'aba zép 'remhã aihâimana za'ra wa'wa, ni'wa rob u hã watobro ãna.

Ezodu 24:12

Tawamhã Uburé Danhib'apito Mozésihi ma, te tãma tinha ãne: — Ĩhâimanazéb u, ma'ãpé ẽtẽ na we ĩtẽme sai'uri, ãme aihâimana da. Wa hã ĩnhimirotizém na te irob'ui'érézéb ré ẽtẽ baihâ po hã wa za aima tisõ, ãma dama 're iroti mono zéb da hã.